இலங்கை : களனி பல்கலைக்கழகத்தில் நான்கு மாணவர்கள் இடைநிறுத்தம்!

பாதுகாப்பு உத்தியோகத்தர் ஒருவரை தாக்கிய குற்றச்சாட்டில் நான்கு மாணவர்கள் இடைநிறுத்தப்பட்டுள்ளதாக களனி பல்கலைக்கழகம் தெரிவித்துள்ளது.

இதேவேளை, நேற்று (04.12) களனிப் பல்கலைக்கழகத்தின் கற்கைகளை தற்காலிகமாக இடைநிறுத்துவதற்கு அதன் நிர்வாகம் நடவடிக்கை எடுத்திருந்தது.

களனிப் பல்கலைக்கழகத்தின் மருத்துவ பீடம் தவிர்ந்த ஏனையவை நேற்று பிற்பகல் 2 மணி முதல் மறு அறிவித்தல் வரை மூடப்படும் என களனிப் பல்கலைக்கழகத்தின் உபவேந்தர் அறிக்கையொன்றில் தெரிவித்துள்ளார்.

களனிப் பல்கலைக்கழகத்தின் பாதுகாப்புப் பிரிவில் கடமையாற்றிய பாதுகாப்பு உத்தியோகத்தர் ஒருவர் உறங்கிக் கொண்டிருந்த போது கடத்தப்பட்டு, தடுத்து வைக்கப்பட்டு, தாக்கப்பட்டு, மாணவர் நிலையத்தின் நுழைவு வாயிலில் கட்டப்பட்டதாக, களனிப் பல்கலைக்கழகத்தின் துணைவேந்தர் தனது அறிவிப்பில் மேலும் தெரிவித்துள்ளார். .

தொடர்புடைய செய்திகள்:

இலங்கையில் மதுபானசாலைகளுக்கு பூட்டு! வவுனியாவில் ஐஸ் போதைப் பொருளுடன் பெண் ஒருவர் கைது! மத்தள விமான நிலையத்தினை கைப்பற்றும் தீவிர முயற்சியில் இந்தியா – ரஷ்யா இலங்கை: லிட்ரோ எரிவாயுவின் விலை தொடர்பில் வெளியான அறிவிப்பு தனி பாதுகாப்பு பிரிவை கோறும் ரணில் இலங்கையில் கொத்து ரொட்டி உள்ளிட்ட உணவுகளின் விலைகள் குறைப்பு!