இலங்கை : செம்மணி புதைக்குழி விவகாரத்தில் AI மூலம் போலி தவல்களை பரப்பிய அர்ச்சுனா!
செம்மணி வெகுஜன புதைகுழி தொடர்பான நாடாளுமன்ற உறுப்பினர் அர்ச்சுனா போலியான தகவல்களை முன்வைத்துள்ளார்.
நாடாளுமன்றத்தில் இன்று (30.06) ஆற்றிய உரையில், செம்மணியில் எலும்புக்கூடு எச்சங்கள் கண்டுபிடிக்கப்பட்டதை அவர் சுட்டிக்காட்டினார்.
தாயின் கைகளில் குழந்தை இருப்பதாகக் கூறப்படும் மூன்று மாத குழந்தையின் எலும்புக்கூடு எச்சங்கள், செம்மணி வெகுஜன புதைகுழியில் கண்டுபிடிக்கப்பட்டதாகக் கூறினார்.
இருப்பினும், இந்தத் தகவல் முற்றிலும் தவறானது என்பது உறுதிப்படுத்தப்பட்டுள்ளது. அவர் சான்றாக காண்பித்த படங்கள் ஏஐ தொழில்நுட்பத்தில் உருவாக்கப்பட்டதாக தெரிவிக்கப்படுகிறது.
செம்மணி மனித புதைகுழியில் தற்போது இரண்டாம் கட்ட அகழ்வாராய்ச்சி பணிகள் நடைபெற்று வருகின்றன, மேலும் அர்ச்சுனா விவரித்தபடி, குழந்தையை வைத்திருக்கும் தாயின் எலும்புக்கூடு எச்சங்கள் எதுவும் கண்டுபிடிக்கப்படவில்லை.
அதற்கு பதிலாக, சமூக ஊடகங்களில் பரவும் AI-உருவாக்கப்பட்ட எலும்புக்கூடு படங்களை அடிப்படையாகக் கொண்டு அர்ச்சுனா ராமநாதன் நாடாளுமன்றத்தில் இந்த உரையை நிகழ்த்தியதாக தெரியவந்துள்ளது. இந்தச் செயல் தமிழ் சமூகத்தின் கடும் கண்டனத்தைப் பெற்றுள்ளது.
