லண்டனில் தமிழர்கள் அதிகம் வாழும் பகுதியில் உள்ள கடையை சோதனையிட்ட அதிகாரிகள் அதிர்ச்சி

லண்டனில் தமிழர்கள் அதிகம் வாழும் சவுத்ஹால் பகுதியில் உள்ள ஒரு கடையின் உரிமம் இரத்து செய்யப்பட்டுள்ளது.

அம்மன் கோயிலுக்கு அருகில் உள்ள இந்த கடையில் சட்டவிரோதமான ஆபத்தான மாத்திரைகள் விற்பனை செய்யபடுவதாக கண்டுபிடிக்கப்பட்டுள்ளது.

குறித்த கடை வெளியே வேனில் டிராமடோல் மாத்திரை உள்ளிட்ட சட்டவிரோத பொருட்கள் கண்டுபிடிக்கப்பட்டுள்ளது. இந்த நிலையில் வேனிற்கு தொடர்புடைய கடையின் உரிமத்தை ஈலிங் ஆணைக்குழு ரத்து செய்துள்ளது.

சவுத்ஹாலில் 10 டட்லி ரோட்டில் உள்ள Best Food & Wine (Bally’s Express) என்ற கடையை ஆணைக்குழு அதிகாரிகளும் பொலிஸாருக்கும் ஜனவரி மாதம் பார்வையிட்டனர், அங்கு தொழிலாளர்கள் சட்டவிரோத புகையிலை பொருட்கள் மற்றும் பல மருந்து மருந்துகளை மறைத்து வைத்திருப்பதை கண்டுபிடித்தனர்.

கடைக்கான உரிமம் வைத்திருக்கும் பிலிப் கிளார்க்ஸ் என்பவர், தனது கடையின் தலைவிதியை தீர்மானிக்கும் துணை உரிமக் குழு விசாரணையின் போது ஆஜராகவில்லை என தெரியவந்துள்ளது. இதனால் மது விற்கும் உரிமையை குறித்த கடை இழக்க நேரிடும் என ஆணையாளர்கள் அறிவித்திருந்தனர்.

ஜனவரி மாதம் கடைக்குச் சென்றபோது தான் கண்டதை அதிகாரிகள் விளக்கியுள்ளனர். கடைக்குள்ளே நுழைந்தபோது, ஊழியர் சந்தேகப்படும்படியாக பாக்கெட்டில் எதையோ வைத்திருந்ததை கண்டதாக அதிகாரிகள் தெரிவித்துள்ளனர்.

அந்த பொருளை அகற்றுமாறு பணியாளரிடம் கூறியபோது, அது வெளியில் நிறுத்தப்பட்டிருந்த வேனின் சாவி என்பது தெரியவந்தது. வேன் சிறிது காலமாகப் பயன்படுத்தப்படாதது போலவும், டயர் தட்டையானது போலவும் இருந்தது.

அதிகாரிகள் வேனை திறந்து பார்த்தபோது, சட்டவிரோத புகையிலை பொருட்கள் மற்றும் மருந்து மாத்திரைகள் பதுக்கி வைத்திருந்ததை கண்டுபிடித்தனர். இதில் 3,600 பவுண்ட் வரி செலுத்தாத போலி சிகரெட்டுகள், சட்டவிரோதமான புகையிலை, இந்திய புகையிலை மற்றும் கிட்டத்தட்ட 4,000 மாத்திரைகள் கண்டுபிடிக்கப்பட்டுள்ளது.

விசாரணையின் போது, சில மாத்திரைகள் அதிக அடிமையாக்கும் வலிநிவாரணி டிராமடோல் எனவும் மற்ற மாத்திரைகள் போலி வயாகரா என்றும் உறுதி செய்தார்.

சட்டவிரோதமான பொருட்கள் மற்றும் புகையிலை பொருட்களை வாடிக்கையாளர்களுக்கு விநியோகம் செய்வதற்காக ஊழியர்கள் வேனுக்கும் கடைக்கும் இடையில் நடமாடுவதாகவும் தெரியவந்துள்ளது.

இவை கடுமையான குற்றங்கள் என அவர் கூறியுள்ளார். வழக்கு தொடரவும் எனவும் உரிமத்தை இரத்து செய்யவும் நடவடிக்கை எடுக்கப்பட்டுள்ளது.