ஆஸ்திரேலியாவில் சீரற்ற காலநிலை – 7 பேர் மரணம் – ஒருவர் மாயம்

ஆஸ்திரேலியாவின் கிழக்குக் கரையோரப் பகுதிகளில் மோசமான வானிலை காரணமாக 7 பேர் உயிரிழந்துள்ளதாக தெரிவிக்கப்படுகின்றது.

அவர்களில் இளம்பெண் ஒருவரும் அடங்குவதாக பொலிஸார் தெரிவித்தனர்.

பிரிஸ்பேன் கடற்கரையில் படகு கவிழ்ந்ததில் மேலும் ஒருவர் உயிரிழந்துள்ளார்.

ஒருவரைக் காணவில்லை, தேடுதல் பணிகள் நடைபெற்று வருகின்றன.

விக்டோரியாவில் பெண் ஒருவர் வெள்ளத்தில் சிக்கி உயிரிழந்தார், தண்ணீர் வடிந்த பிறகு அவரது உடல் கண்டெடுக்கப்பட்டது.

குயின்ஸ்லாந்தில் மோசமான வானிலை காரணமாக உயிரிழந்தவர்களின் எண்ணிக்கை 5 ஆக உள்ளதாக தெரிவிக்கப்பட்டுள்ளது.

மேலும் இருவரை காணவில்லை எனவும் பொலிஸார் குறிப்பிட்டுள்ளனர்.

மோசமான வானிலை மற்றும் வீதி விபத்துக்கள் தொடர்பில் மக்கள் அவதானம் செலுத்த வேண்டிய தருணம் வந்துள்ளதாக பொலிஸார் சுட்டிக்காட்டியுள்ளனர்.