முன்னாள் டென்னிஸ் வீரரின் அரசியல் பயணம் நிறைவு

விக்டோரியன் லிபரல் கட்சியின் துணைத் தலைவரும், முன்னாள் சர்வதேச டென்னிஸ் வீரருமான சாம் க்ரோத் (Sam Groth), அரசியலில் இருந்து ஓய்வு பெறுவதாக அறிவித்துள்ளார்.

வரும் 2026-ஆம் ஆண்டு மாநிலத் தேர்தலில் தாம் போட்டியிடப் போவதில்லை என அவர் உறுதிப்படுத்தியுள்ளார்.

தனது குடும்பத்தினர் மீது பொதுவெளியில் சுமத்தப்பட்ட அழுத்தங்கள் மற்றும் சொந்தக் கட்சிக்குள்ளேயே எதிர்கொண்ட சவால்களே இந்த முடிவிற்குக் காரணம் என அவர் நாடாளுமன்றத்தில் உருக்கமாகத் தெரிவித்தார்.

குறிப்பாக, கடந்த ஆண்டு தனது மனைவி மீதான அவதூறுச் செய்திகள் குறித்துத் தொடரப்பட்ட சட்டப் போராட்டங்கள் தமக்கு மிகுந்த மன உளைச்சலை ஏற்படுத்தியதாக அவர் குறிப்பிட்டுள்ளார்.

டென்னிஸ் மைதானத்தில் உலக சாதனை படைத்த சாம் க்ரோத், 2022-இல் தொடங்கிய தனது குறுகிய கால அரசியல் பயணத்தை தற்போது நிறைவு செய்கிறார்.