அதிகாலையில் வௌியானது Salaar Teaser.. அப்படியே கே.ஜி.எப் மாதியே இருக்கு….

கே.ஜி.எப் இயக்குனர் பிரசாந்த் நீல் இயக்கத்தில் பிரபாஸ் நடித்துள்ள சலார் திரைப்படத்தின் டீசரை படக்குழு அதிகாரப்பூர்வமாக வெளியிட்டு உள்ளது.

கே.ஜி.எப் படத்தை தயாரித்த ஹோம்பாலே பிலிம்ஸ் நிறுவனம் தான் இப்படத்தையும் தயாரித்துள்ளது. இதில் பிரபாஸுக்கு ஜோடியாக சுருதிஹாசன் நடித்துள்ளார். அதேபோல் மலையாள நடிகர் பிருத்விராஜ் இப்படத்தில் வில்லனாக நடித்திருக்கிறார்.

பாகுபலிக்கு பின் தொடர் தோல்விகளை சந்தித்து வரும் நடிகர் பிரபாஸ், சலார் படத்தை மலைபோல் நம்பி உள்ளார். இப்படம் வருகிற செப்டம்பர் மாதம் 28-ந் தேதி திரைக்கு வர உள்ளது. இந்நிலையில், சலார் படத்தின் டீசர் இன்று வெளியிடப்பட்டு உள்ளது.

வழக்கமாக படங்களின் டீசர் என்றால் நள்ளிரவு 12 மணிக்கோ அல்லது காலை, மாலை வேளைகளில் வெளியிடுவார்கள். ஆனால் சலார் படக்குழு வித்தியாசமாக அதிகாலை 5.12 மணிக்கு இந்த டீசரை வெளியிட்டது.

பிரபாஸ் படத்திற்கு அதிகாலை காட்சி பார்க்க செல்வது போல், 5 மணிக்கு கண்விழித்து காத்திருந்து சலார் பட டீசரை பார்த்த ரசிகர்களுக்கு அந்த டீசர் ஏமாற்றத்தை அளித்துள்ளது என்று தான் சொல்ல வேண்டும்.

ஏனெனில், கே.ஜி.எப் படத்துக்கு கொடுத்தது போல் வழக்கமான அதே பில்டப்பை தான் சலார் படத்துக்கும் கொடுத்திருக்கிறார் பிரசாந்த் நீல். கே.ஜி.எப்பில் ஒரு கிழவர் தனி அறையில் அமர்ந்து ராக்கி பற்றி சொல்வார். ஆனால் இங்கு நிற்க கூட தெம்பில்லாத ஒரு கிழவர், சலார் பற்றி கொடுக்கும் பில்டப் சுத்தமாக எடுபடவில்லை.

மொத்தத்தில் சலார் டீசரில் கே.ஜி.எப் வாடை பலமாக வீசுகிறது. கே.ஜி.எப் படத்தின் பலமே மாஸ் தான் அது சலாரின் மிஸ் ஆவது போல் தெரிகிறது. அதுவும் இப்படத்தை இரண்டு பாகங்களாக வெளியிட உள்ளார்களாம். முதல் பாகத்துக்கு சீஸ் பயர் என பெயரிட்டுள்ளனர். கே.ஜி.எப் செய்த மேஜிக்கை சலார் செய்யுமா என்பதை பொறுத்திருந்து தான் பார்க்க வேண்டும். இப்படம் செப்டம்பர் 28-ந் தேதி திரைக்கு வருகிறது.

தொடர்புடைய செய்திகள்:

காதலரை அறிமுகம் செய்த கீர்த்தி சுரேஷ்??? அவரே வெளியிட்ட செய்தி தனுஷின் மற்றுமொரு முகம் வெளியானது!! நெகிழ்ச்சியில் ரசிகர்கள் எந்த அவசியமும் இல்லை!! ஐஸ்வர்யா ராஜேஷுக்கு ராஷ்மிகா மந்தனா பதில் அட்ராசக்க… வொண்டர் வுமனுக்கே வில்லியான பாலிவுட் குயின் ஆலியா பட்..