சபரகமுவ பல்கலைக்கழக தாக்குதல் சம்பவம்: நீதிமன்றம் பிறப்பித்துள்ள உத்தரவு

சபரகமுவ பல்கலைக்கழகத்தின் மூன்று மாணவர்கள் தாக்கப்பட்ட சம்பவம் தொடர்பில் கைது செய்யப்பட்ட 7 மாணவர்களும் விளக்கமறியலில் வைக்கப்பட்டுள்ளனர்.

சபரகமுவ பல்கலைக்கழகத்தின் விவசாய பீடத்தின் இரண்டாம் ஆண்டில் கல்வி கற்றுவரும் மூன்று மாணவர்கள் கடந்த 9 ஆம் திகதி இரவு, பல்கலைக்கழக சிற்றுண்டிச்சாலையில் வைத்து தாக்கப்பட்ட சம்பவம் தொடர்பில் குறித்த 7 பேரும் சமனலவெவ காவல்துறையினரால் நேற்று கைது செய்யப்பட்டனர்.

குறித்த 7 பேரும் இன்று பலாங்கொடை நீதிவான் நீதிமன்றில் பிரசன்னப்படுத்தப்பட்ட போது அவர்களை நாளை மறுதினம் வரை விளக்கமறியலில் வைக்குமாறு நீதிவான் உத்தரவிட்டுள்ளார்.