தொடர்ந்து இரண்டாவது நாளாகவும் கீவ் மீது ட்ரோன் தாக்குதலை தொடரும் ரஷ்யா

ரஷ்யா அக்டோபர் 20ஆம் திகதி இரவுநேரத்தில் பல ஆளில்லா வானூர்திகளை ஏவித் தாக்குதலைத் தொடர்ந்ததாகக் கூறப்பட்டுள்ளது.தொடர்ந்து இரண்டாவது நாளாக ரஷ்யா உக்ரேனில் இத்தகைய இரவுநேரத் தாக்குதலை மேற்கொண்டது.

இதில் குடியிருப்புக் கட்டடங்களும் சேதமடைந்தன. பொதுமக்களில் ஒருவர் காயமடைந்ததாக உக்ரேனிய அதிகாரிகள் தெரிவித்தனர்.

உக்ரேன் மீதான தாக்குதலின் தீவிரத்தைப் பகைவர்கள் குறைக்கவில்லை என்று கியவ்வின் ராணுவ நிர்வாகத் தலைவர் செர்ஹி பாப்கோ டெலிகிராம் செயலி மூலம் தெரிவித்துள்ளார்.

வெவ்வேறு திசைகளிலிருந்து கியவ் மீது ஏவப்பட்ட ஏறக்குறைய 10 ஆளில்லா வானூர்திகள் அழிக்கப்பட்டதாக அவர் கூறினார். அவை இலக்குகளை எட்டாவிட்டாலும் தகர்க்கப்பட்ட ஆளில்லா வானூர்திகளின் பாகங்கள் விழுந்ததில் ஒருவர் காயமடைந்ததாக அவர் தெரிவித்தார் .

கட்டடக் கூரைகள், குடியிருப்புக் கட்டடங்கள், மின்கம்பிகள் போன்றவற்றில் இத்தகைய ஆளில்லா வானூர்தி பாகங்கள் விழுந்ததில் சேதம் ஏற்பட்டதாக கியவ் நகர மேயர் கூறினார்.

கிட்டத்தட்ட ஐந்து மணி நேரத்திற்கு கியவ் மீதான ஆகாயத் தாக்குதல் குறித்த எச்சரிக்கை நீடித்தது. முன்னதாக, அக்டோபர் 19ஆம் திகதி இரவு ரஷ்யா மேற்கொண்ட தாக்குதலில் 17 பேர் காயமடைந்ததாகத் தெரிவிக்கப்பட்டது.

See also  நீண்ட நாட்களுக்கு பிறகு வட்டி விகிதத்தை குறைக்கும் பாங்க் ஆஃப் இங்கிலாந்து!

தொடர்புடைய செய்திகள்:

அமெரிக்க பிரஜையொருவர் ரஷ்யாவில் கைது ஜெர்மனியில் ஏற்பட்டுள்ள பாதிப்பு – கடுமையாகும் சட்டம் லண்டனில் தமிழர்கள் அதிகம் வாழும் பகுதியில் உள்ள கடையை சோதனையிட்ட அதிகாரிகள் அதிர்ச்சி அயர்லாந்தின் பசுமைக் கட்சி தலைவர் பதவியில் இருந்து விலகிய எமன் ரியான் ஐரோப்பா முழுவதும் அதிகரிக்கும் டெங்கு தொற்றாளர்கள்! பிரான்ஸில் 200 பேரை பலிக்கொண்ட விமான விபத்து : இறுதி நிமிடத்தில் நடந்தது என்ன?