மாஸ்கோ தூதரை நியமிக்க தாலிபான்களுக்கு ரஷ்யா அனுமதி
ஆப்கானிஸ்தானில் உள்ள தாலிபான் அதிகாரிகளுக்கு மாஸ்கோவில் ஒரு தூதரை நியமிக்க அனுமதிப்பதாக ரஷ்யா தெரிவித்துள்ளது.
2021 ஆம் ஆண்டு அமெரிக்கப் படைகள் திரும்பப் பெற்ற பிறகு, இஸ்லாமிய தாலிபான் குழு ஆப்கானிஸ்தானில் அதிகாரத்தைக் கைப்பற்றியதிலிருந்து, மாஸ்கோவுடன் உறவுகளை இயல்பாக்க நடவடிக்கை எடுத்துள்ளது.
ரஷ்ய அதிகாரிகள் ஆப்கானிஸ்தானின் வெளியுறவு மற்றும் உள்நாட்டு அமைச்சர்களுடன் பேச்சுவார்த்தை நடத்தியதாக ரஷ்ய வெளியுறவு அமைச்சகம் தெரிவித்துள்ளது.
“தலிபான் இயக்கத்தின் மீதான தடையை நிறுத்தி வைப்பதாக ரஷ்யாவின் உச்ச நீதிமன்றம் அறிவித்த முடிவைத் தொடர்ந்து, மாஸ்கோவில் ஆப்கானிஸ்தானின் இராஜதந்திர பணியை தூதர் நிலைக்கு மேம்படுத்த ரஷ்ய தரப்பு முடிவு செய்துள்ளது என்று ஆப்கானிஸ்தான் தலைமையின் பிரதிநிதிகளுக்குத் தெரிவிக்கப்பட்டது,” என்று அறிக்கையில் தெரிவிக்கப்பட்டுள்ளது.
“இந்த நடவடிக்கைக்கு ஆப்கானிஸ்தான் தரப்பு தங்கள் ஆழ்ந்த நன்றியைத் தெரிவித்தது” என்றும் குறிப்பிட்டுள்ளது.
(Visited 36 times, 1 visits today)
