ரணில், நாமல் சங்கமம்? மொட்டு கட்சி மறுப்பு!

ஸ்ரீலங்கா பொதுஜன பெரமுன கட்சியும், ஐக்கிய தேசியக் கட்சியும் UNP ஒன்றிணையவுள்ளன என வெளியாகும் தகவலை ஸ்ரீலங்கா பொதுஜன பெரமுன கட்சி SLPP நிராகரித்துள்ளது.

கொழும்பில் இன்று (02) நடைபெற்ற ஊடக சந்திப்பின்போது இரு தரப்பு இணைவு தொடர்பில் மொட்டு கட்சியின் செயலாளர் சாகர காரியவசத்திடம் Sagara Kariyawasam கேள்வி எழுப்பட்டது.

இதற்கு பதிலளிக்கையிலேயே அவர் மேற்கண்டவாறு கூறினார்.

“ ஐக்கிய தேசியக் கட்சி மற்றும் ஸ்ரீலங்கா பொதுஜன பெரமுன கட்சி என்பவற்றுக்கிடையில் கொள்கை வேறுபாடுகள் உள்ளன.

எனவே, கொள்கையை ஏற்கும் எந்த தரப்பாக இருந்தாலும் இணைந்து செயல்படலாம். கொள்கையை ஏற்க மறுப்பவர்களுடன் கூட்டணி கிடையாது”- எனவும் Sagara Kariyawasam கூறினார்.

ஐக்கிய தேசியக் கட்சி மற்றும் ஐக்கிய மக்கள் சக்தி என்பவற்றை ஒன்றிணைக்கும் முயற்சி தோல்வி அடையும் பட்சத்தில், நாமல் தரப்புடன், ரணில் அணி இணைந்து செயல்படும் என தகவல் வெளியான நிலையிலேயே அது தற்போது மறுக்கப்பட்டுள்ளது.