புத்தாண்டை முன்னிட்டு அத்தியாவசிய நுகர்வுப் பொருட்களின் விலை குறைப்பு!
எதிர்வரும் சிங்கள, தமிழ் புத்தாண்டு கொண்டாட்டங்களுக்கு முன்னர் அனைத்து அத்தியாவசிய நுகர்வுப் பொருட்களின் விலைகளை குறைத்து மக்களுக்கு நிவாரணம் வழங்குவது குறித்து ஜனாதிபதி ரணில் விக்கிரமசிங்க தலைமையிலான அமைச்சரவையில் கலந்துரையாடப்பட்டதாக விவசாய மற்றும் பெருந்தோட்ட கைத்தொழில் அமைச்சர் மஹிந்த அமரவீர தெரிவித்தார்.
பயன்படுத்தப்பட்ட தேங்காய் எண்ணெய் இறக்குமதியை கட்டுப்படுத்துவது மற்றும் உள்ளூர் தேங்காய் எண்ணெய் உற்பத்திகளின் தரத்தை மேம்படுத்துவது தொடர்பான கலந்துரையாடல் நேற்று (14) விவசாய அமைச்சில் நடைபெற்றது.
இதன்போது கருத்துத் தெரிவித்த அமைச்சர் அமரவீர, “தற்போது பொருட்களின் விலை அதிகரிப்பு மக்களால் தாங்க முடியாததாக மாறியுள்ளது. இது தொடர்பில் அரசாங்கத்தின் கவனம் செலுத்தப்பட்டுள்ளது. இந்த விவகாரம் கடந்த திங்கட்கிழமை நடைபெற்ற அமைச்சரவை கூட்டத்தில் பரபரப்பாக பேசப்பட்டது.
“அதன்படி, சிங்கள மற்றும் தமிழ் புத்தாண்டுக்கு முன்னர் எமது நாட்டில் அனைத்து நுகர்வுப் பொருட்களின் விலைகளைக் குறைக்கும் வேலைத்திட்டத்தை ஆரம்பிக்க அரசாங்கம் தீர்மானித்துள்ளது.
“இறக்குமதி செய்யப்படும் பல பொருட்களுக்கு விதிக்கப்பட்டுள்ள வரிகளை நீக்கி குறைப்பதில் அரசாங்கம் கவனம் செலுத்தியுள்ளது. ஜனாதிபதி விக்கிரமசிங்க தலைமையிலான அமைச்சரவையில் கலந்துரையாடப்பட்டதன் பிரகாரம் எதிர்வரும் காலங்களில் பொதுமக்களுக்கு பல சலுகைகள் வழங்கப்படும்.
“எனினும், எதிர்காலத்தில் விலை உயர்வு இருக்காது. விலை குறைப்பு மட்டுமே உள்ளது” என்றார்.
(Visited 8 times, 1 visits today)
