இலங்கையில் பரப்பை ஏற்படுத்திய சம்பவம்: வெளியான உயிரிழந்த இரு மாணவர்களின் சிசிடிவி காணொளிகள்!
இலங்கையில் நேற்று கொம்பனித்தீவில் உள்ள சொகுசு அடுக்குமாடி குடியிருப்பில் மாணவன் மற்றும் மாணவி உயிரிழந்த சம்பவம் தொடர்பான சிசிடிவி காட்சிகள் தொடர்பில் இலங்கை பொலிஸார் விசாரணைகளை ஆரம்பித்துள்ளனர்.
நேற்று மாலை அடுக்குமாடி குடியிருப்பின் 67வது மாடியில் இருந்து விழுந்து 15 வயதுடைய ஒரு சிறுவனும் சிறுமியும் உயிரிழந்துள்ளதாக தெரிவிக்கப்பட்டுள்ளது. இருவரும் தற்கொலை செய்து கொண்டிருக்கலாம் என போலீசார் சந்தேகிக்கின்றனர்.
இவர்கள் இருவரும் கொழும்பில் உள்ள சர்வதேச பாடசாலை ஒன்றின் தரம் 10 ஆம் வகுப்பு மாணவர்கள் எனவும் வெள்ளவத்தை மற்றும் களனி பிரதேசங்களை சேர்ந்தவர்கள் எனவும் ஆரம்பகட்ட விசாரணைகளில் கண்டறியப்பட்டுள்ளது.
இரண்டு பாடசாலை மாணவர்களும் பாடசாலை முடிந்ததும் அடுக்குமாடி குடியிருப்பின் 5 வது மாடியில் உள்ள உடற்பயிற்சி கூடத்திற்குச் சென்றுள்ளனர், அங்கு அவர்கள் ஆடைகளை மாற்றிக்கொண்டு உடமைகளை விட்டுச் சென்றுள்ளனர்.
அவர்கள் ஜிம்மிற்கு வெளியே படிக்கட்டு வழியாக கட்டிடத்தின் 67வது மாடியை அடைந்ததாக போலீஸ் விசாரணையில் தெரியவந்துள்ளது.
70 மாடிகளைக் கொண்ட அடுக்குமாடி குடியிருப்பின் 03வது மாடியில் இருவரும் தற்கொலை செய்துகொண்டிருக்கலாம் எனவும், அவர்களது சடலங்கள் மீட்கப்பட்டுள்ளதாகவும் பொலிஸார் சந்தேகிக்கின்றனர்.
(Visited 3 times, 1 visits today)
