அமெரிக்காவை உலுக்கிய விமான விபத்து – தகவல் பதிவுப் பெட்டிகள் மீட்பு

வொஷிங்டன் நகரில் விபத்துக்குள்ளான அமெரிக்கன் ஏர்லைன்ஸ் விமானத்தின் தகவல் பதிவுப் பெட்டியும் குரல் பதிவுப் பெட்டியும் மீட்கப்பட்டுள்ளதாக அதிகாரிகள் உறுதி செய்துள்ளனர்.

அந்த விமானமும் அமெரிக்க ராணுவ Black Hawk ஹெலிகாப்டரும் நேற்று முன்தினம் நடுவானில் மோதின.

விமானத்தில் 60 பயணிகளும் 4 ஊழியர்களும் இருந்ததாக அமெரிக்கன் ஏர்லைன்ஸ் தெரிவித்தது.

ஹெலிகாப்டரில் 3 ராணுவ வீரர்கள் இருந்ததாக அதிகாரிகள் தெரிவித்தனர். விபத்துக்குள்ளான விமானம் Potomac ஆற்றில் விழுந்தது.

விமானத்தில் என்ன கோளாறு ஏற்பட்டிருக்கலாம் என்பதை அறியப் பதிவுப் பெட்டிகள் சில குறிப்புகளை வழங்கலாம் என்று நம்பப்படுகிறது.

தேசியப் போக்குவரத்து பாதுகாப்பு ஆணையத்தின் சோதனைக் கூடம் அந்தப் பெட்டிகளை ஆராய நடவடிக்கை எடுத்துள்ளது.

விபத்து நடந்த இடத்திற்கு அருகே அந்தச் சோதனைக் கூடம் இருப்பதாகக் கூறப்படுகிறது.