தென் கொரியாவை உலுக்கிய விமான விபத்து – விமானச்சீட்டுகளை இரத்து செய்யும் பயணிகள்

தென் கொரியாவில் உலுக்கிய விமான விபத்தையடுத்து பயணிகள் பலர் விமானச் சீட்டுகளை இரத்து செய்ய ஆரம்பித்துள்ளதாக தெரிவிக்கப்படுகின்றது.

நேற்று முன்தினம் முவான் விமான நிலையத்தில் Jeju Air விமானம் ஒன்று விபத்துக்குள்ளானதில் 179 பேர் உயிரிழந்துள்ளனர்.

செய்தியை அறிந்து அச்சமடைந்த சிலர் Jeju Air விமானச் சீட்டுகளை இரத்துசெய்கின்றனர். ஒரே நாளுக்குள் 68,000 பேர் விமானச்சீட்டுகளை ரத்துசெய்துள்ளதாக Jeju Air நிறுவனம் குறிப்பிட்டுள்ளது.

விபத்தில் சம்பந்தப்பட்ட போயிங் 737-800 ரக விமானங்களைத் தவிர்க்கவும் பயணிகள் முற்படுகின்றனர்.

தங்களுடைய பயணத்தில் எந்த ரக விமானம் பயன்படுத்தப்படும் என்று பயணிகள் பலர் கேட்பதாகப் பயண முகவர் நிறுவனங்கள் கூறியுள்ளன. போயிங் 737-800 ரக விமானச் சீட்டுகளை இரத்துசெய்யும்படி அவர்கள் கேட்டுக்கொள்வதாக அவை தெரிவித்தன.

தென் கொரியாவில் மிகப் பெரிய பயண முகவர் நிறுவனத்தில் ஒன்று, விமானச்சீட்டுகளை இரத்துசெய்யும்படி 400 பேரிடமிருந்து அழைப்பு பெற்றுள்ளனர்.