அமெரிக்காவில் மாயமான ஹெலிகாப்டர் விபத்திற்குள்ளானது : ஐந்து கடற்படை வீரர்களும் பலி!

அமெரிக்காவில் கடற்படையினர் பயணித்த ஹெலிகாப்டர் ஒன்று மாயமாகியுள்ளதாக அறிவிக்கப்பட்டிருந்த நிலையில், குறித்த ஹெலிகாப்டர் சான் டியாகோவிற்கு வெளியே உள்ள மலையில் விழுந்து விபத்துக்குள்ளாகியுள்ளதாக தெரிவிக்கப்படுகிறது.

குறித்த ஹெலிகாப்டரில் பயணித்த ஐந்து பேரும் விபத்தில் சிக்கி உயிரிழந்துள்ளதாக தெரிவிக்கப்பட்டுள்ளது.

விபத்தில் உயிரிழந்த கடற்படை வீரர்களின் பெயர்கள் உடனடியாக வெளியிடப்படவில்லை.

ஐந்து பேரின் எச்சங்களை மீட்கும் முயற்சிகள் தொடங்கியுள்ளன, மேலும் விபத்து குறித்த விசாரணை நடைபெற்று வருவதாக அந்நாட்டு அதிகாரிகள் அறிக்கை வெளியிட்டுள்ளனர்.