ஆஸ்திரேலியாவில் அதிகாலையிலேயே பரபரப்பை ஏற்படுத்திய மர்ம மரணங்கள்

ஆஸ்திரேலியாவின் Waverleyயில் உள்ள பிளெட்சர் வீதியில் 20 வயதுடைய நபர் ஒருவர் வீதியில் அதிக இரத்தப்போக்குடன் உயிரிழந்த நிலையில் கிடந்துள்ளார்.

ஆஸ்திரேலிய நேரப்படி இன்று அதிகாலை 4 மணியளவில் அந்த நபர் வீதியில் கிடப்பதாகவும், அவரது உடலில் இருந்து இரத்தம் கசிந்திருப்பதாகவும் அவர் மூச்சு விடுவதற்கு சிரமப்படுவதாகவும்பொதுமக்களின் அழைப்பைத் தொடர்ந்து அவசர சேவைகள் சம்பவ இடத்திற்கு விரைந்தன.

NSW ஆம்புலன்ஸ் துணை மருத்துவர்களால் அந்த நபரை உயிர்ப்பிக்க முடியவில்லை. இதுவரையில் குறித்த நபர் அடையாளம் காணப்படவில்லை.

க்ளென் மற்றும் சில்வர் வீதிகளுக்கு இடையே உள்ள பிளெட்சர் வீதியை தவிர்க்குமாறு ஓட்டுநர்களுக்கு அறிவுறுத்தப்பட்டது.

ப்ளெட்சர் வீதியில் சம்பவம் நடந்த இடத்தில் ஒரு பொலிஸ் மீட்பு கூடாரம் வைக்கப்பட்டுள்ளது.

அதேவேளை, அதிகாலை 4.40 மணியளவில் வோல்ஸ்டோன்கிராஃப்ட் ரயில் தண்டவாளத்தில் நபர் ஒருவர் இறந்த நிலையில் காணப்பட்டுள்ளார்.

அந்த நபர் இன்னும் அடையாளம் காணப்படவில்லை எனவும் விசாரணைகள் தொடர்வதாகவும் பொலிஸார் தெரிவித்தனர்.