மூன்று பிள்ளைகளின் தாய் மர்மமான முறையில் கொலை

நேற்று இரவு 8.30 மணியளவில் மூன்று பிள்ளைகளின் தாயொருவர் வெட்டுக் காயங்களுடன் மர்மமான முறையில் உயிரிழந்துள்ளதாக அளுத்கம பொலிஸார் தெரிவித்தனர்.

மொரகல்ல கலவிலவத்த பிரதேசத்தில் வசிக்கும் எஸ். ஷிராணி லக்ஷிகா குமாரி என்ற 47 வயதுடைய பெண்ணே உயிரிழந்துள்ளதாக பொலிஸார் தெரிவித்தனர்.

முகத்தில் வெட்டுக்காயங்களுடன் வீட்டில் விழுந்து கிடந்த பெண், பேருவளை பிரதேச வைத்தியசாலைக்கு கொண்டு செல்லப்பட்ட போதிலும், அதற்குள் அவர் உயிரிழந்திருந்ததாக வைத்தியசாலை வட்டாரங்கள் தெரிவிக்கின்றன.

பொலிஸாரின் விசாரணைகளின் படி, வீட்டின் படுக்கையறை, நடைபாதை மற்றும் வீட்டின் முன் கதவுகளுக்கு அருகில் இரத்தக் கறைகள் காணப்படுவதாக தெரியவந்துள்ளது.

அளுத்கம பொலிஸாரினால் மேற்கொள்ளப்பட்ட விசாரணைகளின் பிரகாரம் வீட்டில் வசிப்பவர்களிடம் விசாரணைகள் ஆரம்பிக்கப்பட்டுள்ளதுடன், குறித்த பெண் சம்பவத்தை எதிர்கொண்ட போது குறித்த பெண்ணின் கணவர், மகன் மற்றும் மகள் ஆகியோர் வீட்டில் இருந்தமை உறுதிப்படுத்தப்பட்டுள்ளது.

வீட்டின் முன் பிரதான நுழைவாயிலுக்கு அருகில் விழுந்து காயங்களுடன் தாய் வைத்தியசாலைக்கு கொண்டு செல்லப்பட்டதாக அவர்கள் பொலிஸாரிடம் தெரிவித்துள்ளனர்.

தற்போது, ​​கொலை செய்யப்பட்ட பெண்ணின் கணவரின் இரண்டு குழந்தைகளிடம் பொலிசார் விசாரணை நடத்தி வருகின்றனர்.

இந்த மர்மக் கொலையை வீட்டுக்குள் இருந்தவர் செய்தாரா அல்லது வெளியூரில் இருந்து வந்தவர்களா என்ற கோணத்தில் விசாரணை நடந்து வருகிறது.

களுத்துறை பிரிவு குற்றத்தடுப்பு ஆய்வுகூட அதிகாரிகள் நேற்று இரவு விசாரணைகளை மேற்கொண்டுள்ளனர்.

களுத்துறைக்கு பொறுப்பான பிரதி பொலிஸ் மா அதிபரின் பணிப்புரையின் பிரகாரம் அளுத்கம பொலிஸாரும் பல விசேட பொலிஸ் குழுக்களும் இக்கொலை தொடர்பில் விசாரணைகளை ஆரம்பித்துள்ளனர்.

தொடர்புடைய செய்திகள்:

யாழ்ப்பாணத்தில் வைத்தியர்கள் வீடுகள் மீது பெற்றோல் குண்டு தாக்குதல் ரஞ்சன் ராமநாயக்கவை கைது செய்யுமாறு உத்தரவு வெள்ளத்தால் பாதிக்கப்பட்டவர்களுக்கு செஞ்சிலுவை சங்கம் நிவாரணம் உலக கோப்பையை இழந்தது மிகவும் வருத்தமாக உள்ளது!!!! வனிந்து ஹசரங்க