ரஷ்ய விமான நிலையத்தில் போதைப்பொருள் கலந்த மிட்டாயுடன் நபர் கைது

ரஷ்யாவில் உள்ள செயின்ட் பீட்டர்ஸ்பர்க் விமான நிலையத்தில் 38 வயதான ஜேர்மன் நபர் ஒருவர், அவரது பொருட்களில் உண்ணக்கூடிய கஞ்சா கம்மிகள் கண்டுபிடிக்கப்பட்டதை அடுத்து கைது செய்யப்பட்டுள்ளார் என்று ஜேர்மன் வெளியுறவு அமைச்சகம் உறுதிப்படுத்தியது.

அந்த நபரின் வழக்கறிஞர்களுடன் அரசாங்கம் தொடர்பில் உள்ளது என்று வெளியுறவு அமைச்சக செய்தித் தொடர்பாளர் வாக்னர் கூறினார்.

ரஷ்யாவின் போதைப்பொருள் சட்டத்தின் கீழ் அவருக்கு ஏழு ஆண்டுகள் வரை சிறைத்தண்டனை விதிக்கப்படலாம்.

அந்த நபர் “ஃபிங்க் கிரீன் கோல்ட்பியர்ஸ்” என்று பெயரிடப்பட்ட ஒரு பிளாஸ்டிக் பையை எடுத்துச் சென்று கஞ்சா இலையின் படத்தைத் கொண்டதாக ரஷ்ய சுங்கச் சேவை தெரிவித்துள்ளது. பையில் சுமார் 20 கிராம் எடையுள்ள ஆறு ஜெல்லி மிட்டாய்கள் இருந்தன.

சோதனையில், இவற்றில் டெட்ராஹைட்ரோகன்னாபினோல் (போதைப்பொருள்) இருப்பது கண்டறியப்பட்டது,

ஹாம்பர்க்கில் இருந்து இஸ்தான்புல் வழியாக வந்த அந்த நபர், ஆன்லைனில் சந்தித்த ஒரு பெண்ணைச் சந்தித்து ரஷ்யாவைச் சுற்றி வரத் திட்டமிட்டிருந்ததாக அவர்கள் தெரிவித்தனர்.