அமெரிக்கத் தலைநகர் வாஷிங்டன் DCயை அதிர வைக்கும் வெடிப்புச் சத்தம் தொடர்பில் பலரும் அதிர்ச்சியடைந்துள்ளனர்.
இந்த சம்பவம் மக்கள் மத்தியில் வியப்பில் ஆழ்த்தியிருந்தது.
அருகில் உள்ள வெர்ஜீனியா, மேரிலேண்ட் மாநிலங்கள்வரை சத்தம் கேட்டதாகக் கூறப்படுகிறது.
அத்துமீறி ஆகாய வெளிக்குள் நுழைந்த விமானம் ஒன்றை அமெரிக்கப் போர் விமானங்கள் விரைந்து விரட்டியபோது ஒலி எழுந்ததாக மத்திய விமானப் போக்குவரத்து நிர்வாகம் தெரிவித்தது.
அந்தச் சிறிய விமானம் பிறகு வெர்ஜீனியா மாநிலத்தில் உள்ள மலைப் பகுதியில் விழுந்து நொறுங்கியது.
அது விழுந்து நொறுங்கியதற்குப் போர் விமானங்கள் காரணமல்ல என்று அதிகாரிகள் தெளிவுபடுத்தினர்.
