உலகின் மிகவும் வாழக்கூடிய நகரங்களின் பட்டியல் – முன்னணி இடங்களில் ஐரோப்பிய நகரங்கள்

2024 ஆம் ஆண்டில் உலகில் வாழக்கூடிய 10 நகரங்களின் பட்டியலில் ஐரோப்பிய நாடு முதலிடம் பிடித்துள்ளது.

Economist Intelligence Unit (EIU) வழங்கிய தரவரிசையின்படி, ஒஸ்திரியாவின் தலைநகரான வியன்னா, உலகின் மிகவும் வாழக்கூடிய நகரமாக மாறியுள்ளது.

உலகெங்கிலும் உள்ள 173 நகரங்கள் சுகாதாரப் பாதுகாப்பு, கலாச்சாரம் மற்றும் சுற்றுச்சூழல், நாட்டின் ஸ்திரத்தன்மை, உள்கட்டமைப்பு மற்றும் கல்வி உள்ளிட்ட பல குறிப்பிடத்தக்க காரணிகளின் அடிப்படையில் வாழக்கூடிய நகரங்களாக தரவரிசைப்படுத்தப்பட்டுள்ளன.

தொடர்ந்து மூன்றாவது ஆண்டாக, வியன்னா உலகின் மிகவும் வாழத் தகுதியான நகரமாக அறிவிக்கப்பட்டுள்ளது.

கடந்த ஆண்டு உலகின் வாழத் தகுதியான நகரங்களில் 3வது இடத்தில் இருந்த மெல்பேர்ன், பல பகுதிகளை பாதித்துள்ள கடுமையான வீட்டு நெருக்கடி காரணமாக இந்த ஆண்டு 4வது இடத்தைப் பிடித்துள்ளதாகத் தெரிவிக்கப்படுகிறது.

இம்முறை 7வது இடத்தை அடைந்துள்ள சிட்னி, கடந்த 2023ம் ஆண்டு உலகில் வாழ்வதற்கு சிறந்த நகரங்களில் 4வது இடத்தை பிடித்தது.

நியூசிலாந்தின் ஒக்லாந்து வாழ சிறந்த நகரங்களில் ஒன்றாகும், ஆக்லாந்து 9 வது இடத்திலும், ஜப்பானின் ஒசாகா 10 வது இடத்திலும் உள்ளது.

உலகின் பல பகுதிகளிலும், குறிப்பாக ஆஸ்திரேலியா மற்றும் கனடாவில், வீட்டுத் தட்டுப்பாடு பாதிக்கப்பட்டுள்ளதாக தி எகனாமிஸ்ட் தெரிவித்துள்ளது.

2024 இன் உலகளாவிய வாழ்வாதாரக் குறியீடு: முதல் 10 நகரங்கள்

வியன்னா, ஆஸ்திரியா
கோபன்ஹேகன், டென்மார்க்
சூரிச், சுவிட்சர்லாந்து
மெல்போர்ன், ஆஸ்திரேலியா
கல்கரி, கனடா
ஜெனீவா, சுவிட்சர்லாந்து
சிட்னி, ஆஸ்திரேலியா
வான்கூவர், கனடா
ஒசாகா, ஜப்பான்
ஆக்லாந்து, நியூசிலாந்து

தொடர்புடைய செய்திகள்:

உலகில் முதல் முறையாக செயற்கை முறையில் உருவாக்கப்பட்ட மீன் இறைச்சி தினசரி பயன்படுத்தும் பல பொருட்களில் ஆபத்தான இரசாயனங்கள் – மக்களுக்கு எச்சரிக்கை ரணில் மீண்டும் ஜனாதிபதி ஆவாரா? எவரெஸ்ட் மலையை விட மூன்று மடங்கு பெரிய வால் நட்சத்திரம் பூமி அருகே வெடித்து சிதறும் அபாயம்