வடக்கு தான்சானியாவில் நிலச்சரிவு : 47 பேர் உயிரிழப்பு!

வடக்கு தான்சானியாவில் ஏற்பட்ட வெள்ளப்பெருக்கினால் ஏற்பட்ட நிலச்சரிவில் குறைந்தது 47 பேர் உயிரிழந்துள்ளதாகவும், 85 பேர் காயமடைந்துள்ளதாகவும் அந்நாட்டு ஊடகங்கள் செய்தி வெளியிட்டுள்ளன.

தான்சானியாவின் தலைநகர் டோடோமாவிற்கு வடக்கே சுமார் 300 கிமீ (186 மைல்) தொலைவில் உள்ள கடேஷ் நகரத்தில் குறித்த நிலச்சரிவு ஏற்பட்டுள்ளது.

நேற்று (03.12) மாலை வரை இறப்பு எண்ணிக்கை 47 ஐ எட்டியது எனவும், 85 பேர் காயமடைந்துள்ளதாகவும் தெரிவிக்கப்பட்டது.

இந்நிலையில் இன்றும்  (04.12) மீட்பு பணிகள் தொடர்வதால் பலி எண்ணிக்கை அதிகரிக்கக்கூடும் என அதிகாரிகள் அச்சம் வெளியிட்டுள்ளனர்.

தான்சானியாவின் ஜனாதிபதி சாமியா சுலுஹு ஹசன், துபாயில் COP28 காலநிலை மாநாட்டிற்காக, தனது இரங்கலை அனுப்பினார் மேலும் “மக்களை மீட்பதற்கான கூடுதல் அரசாங்க முயற்சிகளை” பயன்படுத்த உத்தரவிட்டார்.