ஏமனில் ஹவுதி இராணுவத் தலைவரை குறிவைத்து வான்வழி தாக்குதல் நடத்ததிய இஸ்ரேலியப் படைகள்
சனிக்கிழமை ஏமனில் உள்ள ஹவுத்தி இராணுவத் தலைவரை குறிவைத்து இஸ்ரேலியப் படைகள் வான்வழித் தாக்குதலை நடத்தியதாக இராணுவ வட்டாரங்கள் தி டைம்ஸ் ஆஃப் இஸ்ரேல் செய்தித்தாளிடம் தெரிவித்தன.
“ஏமனில் உள்ள ஹவுத்தி அன்சார் அல்லா இயக்கத்தின் தலைமைத் தளபதி அப்துல்லா அல்-கம்மாரியை இஸ்ரேலிய விமானப்படை படுகொலை செய்ய முயன்றது,” என்று இஸ்ரேலிய சேனல் 12 செய்தி வெளியிட்டது, ஆனால் நடவடிக்கையின் முடிவை வெளியிடவில்லை.
2100 GMT நிலவரப்படி, ஹவுத்தி குழுவோ அல்லது இஸ்ரேலிய இராணுவ அதிகாரிகளோ இந்த நடவடிக்கை குறித்து அதிகாரப்பூர்வ அறிக்கையை வெளியிடவில்லை.
