ஹார்முஸ் ஜலசந்தியை மூடிய ஈரான் : உலக நாடுகளுக்கான எண்ணெய் ஏற்றுமதி பாதிப்பு!

அமெரிக்கா மற்றும் இஸ்ரேலின் கூட்டுத் தாக்குதலுக்கு பதிலளிக்கும் விதமாக ஈரான் ஹார்முஸ் ஜலசந்தியை மூடியுள்ளது.

இந்நிலையில் எண்ணெய் நிறுவனங்கள் மற்றும் வர்த்தக நிறுவனங்கள் கச்சா எண்ணெய், எரிபொருள் மற்றும் திரவமாக்கப்பட்ட இயற்கை எரிவாயு ஏற்றுமதியை நிறுத்தி வைத்துள்ளன.

செயற்கைக்கோள் படங்கள் துறைமுகங்களுக்கு அருகில் கப்பல்கள் குவிந்து கிடப்பதைக் காட்டுகின்றன.

ஈரானின் புரட்சிகர காவல்படை ஜலசந்தி வழியாக செல்ல வேண்டாம் என்று உத்தரவுகளை பிறப்பித்துள்ளது.

இருப்பினும் இங்கிலாந்து கடற்படை இந்த உத்தரவுகள் சட்டப்பூர்வமாக பிணைக்கப்படவில்லை என்று கூறி எச்சரிக்கையாக இருக்குமாறு அறிவுறுத்தியுள்ளது.

அதேநேரம் அமெரிக்க கடற்படை இந்தப் பகுதியில் கப்பல் போக்குவரத்துக்கு எதிராக எச்சரித்துள்ளது.

மேலும் கிரேக்கத்தின் கப்பல் போக்குவரத்து அமைச்சகம் பாரசீக வளைகுடா, ஓமன் வளைகுடா மற்றும் ஹார்முஸ் ஜலசந்தியைத் தவிர்க்குமாறு கப்பல்களுக்கு அறிவுறுத்தியது.

உலக எண்ணெய் உற்பத்தியில் 20%  எண்ணெய் விநியோகம் ஹார்முஸ் ஜலசந்தி வழியாக இடம்பெற்று வருகின்ற நிலையில், தற்போது இந்த வழி மூடப்பட்டுள்ளமையானது சில நாடுகளுக்கான எண்ணெய் விநியோகத்தில் சிக்கலை ஏற்படுத்தும் என எதிர்பார்க்கப்படுகிறது.