நியூ ஜெர்சியில் கொலை வழக்கில் கைது செய்யப்பட்ட இந்திய வம்சாவளி பெண்

அமெரிக்க(America) அதிகாரிகள் நியூ ஜெர்சியில்(New Jersey) 35 வயது இந்திய வம்சாவளியைச் சேர்ந்த ஒரு பெண்ணை கைது செய்து அவரது இரண்டு குழந்தைகளை கொலை செய்ததாக குற்றம் சாட்டியுள்ளனர்.

விசாரணையில், நியூ ஜெர்சியின் சேர்ந்த பிரியதர்சினி(Priyadarshini Natarajan) நடராஜன் தனது இரண்டு குழந்தைகளின் மரணத்திற்குக் காரணமானவர் என்பது தெரியவந்துள்ளது.

சமர்செட்(Somerset) கவுண்டி வழக்கறிஞர் ஜான் மெக்டொனால்ட்(John McDonald) ஒரு அறிக்கையில், ஜனவரி 13 அன்று குழந்தைகளின் தந்தை என்று நம்பப்படும் ஒருவர் சட்ட அமலாக்க நிறுவனத்திற்கு அழைப்பு விடுத்துள்ளார்.

வேலையிலிருந்து வீட்டிற்கு வந்த பிறகு 5 மற்றும் 7 வயதுடைய தனது இரண்டு சிறுவர்கள் மயக்கமடைந்திருப்பதைக் கண்டதாகவும் அவரது மனைவி அவர்களுக்கு ஏதோ செய்ததாகவும் குறிப்பிட்டுள்ளார்.

சம்பவ இடத்திற்கு வந்த பிறகு இறந்த இரண்டு குழந்தைகளையும் குடியிருப்புக்குள் ஒரு படுக்கையறைக்குள் அதிகாரிகள் கண்டுபிடித்தனர்.

இரண்டு குழந்தைகளும் சம்பவ இடத்திலேயே இறந்துவிட்டதாக அறிவிக்கப்பட்டது. மேலும், இரண்டு குழந்தைகளின் அடையாளங்களை அதிகாரிகள் வெளியிடவில்லை.