அமெரிக்கா செல்லும் இந்திய வெளியுறவு அமைச்சர் ஜெய்சங்கர்

இந்திய வெளியுறவுத்துறை அமைச்சர் ஜெய்சங்கர் 6 நாள் பயணமாக நாளை அமெரிக்கா செல்கிறார்.

அமெரிக்க அதிபர் தேர்தலில் டொனால்ட் டிரம்ப் வெற்றி பெற்ற பிறகு, இந்தியாவில் இருந்து அமெரிக்கா செல்லும் முதல் உயர்மட்ட பயணம் இதுவாகும்.

வெளியுறவுத்துறை அமைச்சர் ஜெய்சங்கர் டிசம்பர் 24 முதல் 29 வரை அமெரிக்கா செல்லவுள்ளார் என்று வெளியுறவு அமைச்சகம் தெரிவித்துள்ளது.

“முக்கியமான இருதரப்பு, பிராந்திய மற்றும் உலகளாவிய பிரச்சினைகளைப் பற்றி விவாதிக்க அவர் சகாக்களை சந்திப்பார்” என்று அது ஒரு சுருக்கமான அறிக்கையில் தெரிவிக்கப்பட்டுள்ளது.

ஜெய்சங்கர் அமெரிக்காவில் உள்ள இந்திய கன்சல் ஜெனரல்களின் மாநாட்டிற்கும் தலைமை தாங்குவார் என்றும் தெரிவிக்கப்பட்டுள்ளது.