புயலால் பாதிக்கப்பட்ட மூன்று நாடுகளுக்கு உதவிய இந்தியா
மியான்மர், லாவோஸ் மற்றும் வியட்நாம் ஆகிய நாடுகளுக்கு இந்தியா, ஒரு பெரிய சூறாவளியின் பாதிப்பைக் கையாள்வதில் அவர்களுக்கு உதவ ‘சத்பவ்’ என்று பெயரிடப்பட்ட நடவடிக்கையின் கீழ் அவசர நிவாரணப் பொருட்களை அனுப்பியது.
மியான்மர், லாவோஸ் மற்றும் வியட்நாமின் பல்வேறு பகுதிகள் இந்த ஆண்டு ஆசியாவின் மிக சக்திவாய்ந்த புயல் என்று கூறப்படும் யாகி புயல் தாக்கியதையடுத்து பாரிய வெள்ளத்தில் மூழ்கி வருகின்றன.
இந்திய கடற்படை கப்பலான INS சத்புரா கப்பலில் மியான்மருக்கு உலர் உணவு, உடைகள் மற்றும் மருந்துகள் உள்ளிட்ட 10 டன் உதவிகள் அனுப்பப்பட்டதாக வெளியுறவுத்துறை அமைச்சர் எஸ் ஜெய்சங்கர் தெரிவித்தார்.
இந்திய விமானப்படையின் ராணுவ போக்குவரத்து விமானம் வியட்நாமுக்கு 35 டன் உதவிகளையும், லாவோஸுக்கு 10 டன் நிவாரணப் பொருட்களையும் கொண்டு சென்றுள்ளது.
“இந்தியா OperationSadbhavஐ அறிமுகப்படுத்துகிறது. யாகி புயலால் பாதிக்கப்பட்ட மக்களுக்கு நமது ஒற்றுமையை வெளிப்படுத்தும் வகையில், மியான்மர், வியட்நாம் மற்றும் லாவோஸ் ஆகிய நாடுகளுக்கு இந்தியா உதவிகளை அனுப்புகிறது” என்று ஜெய்சங்கர் ‘X’ இல் பதிவிட்டார்.
(Visited 4 times, 1 visits today)
