08 மாதங்களில் 08 போர்களை நிறுத்தினேன் – ட்ரம்ப் பெருமிதம்!

தனது நிர்வாகம் 08 மாதங்களில் 08 போர்களை நிறுத்தியுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

தாய்லாந்துக்கும் கம்போடியாவுக்கும் இடையே விரிவாக்கப்பட்ட போர் நிறுத்த ஒப்பந்தத்தில் கையெழுத்திடுவதை மேற்பார்வையிட இன்று  மலேசியாவுக்கு விஜயம் செய்த அமெரிக்க ஜனாதிபதி டொனால்ட் டிரம்ப் அங்கு உரையாற்றுகையில் இவ்வாறு தெரிவித்துள்ளார்.

இது தொடர்பில் மேலும் கருத்து வெளியிட்ட அவர், எனது நிர்வாகம் எட்டு மாதங்களில் முடிவுக்குக் கொண்டு வந்த எட்டு போர்களில் இதுவும் ஒன்று.

நாங்கள் சராசரியாக ஒரு மாதத்திற்கு ஒன்று என்ற விகிதத்தில் போர்களை முடிவுக்கு கொண்டுவந்தோம். இன்னும் ஒன்று மட்டுமே உள்ளது” என்று தெரிவித்துள்ளார்.

கம்போடியாவிற்கும் தாய்லாந்திற்கும் இடையிலான எல்லைப் பிரச்சினையைத் தீர்க்க போர் நிறுத்தப் பேச்சுவார்த்தைக்கு இந்த கோடையில் உதவிய அமெரிக்க ஜனாதிபதி, “அமெரிக்காவின் சார்பாக இந்த மோதலைத் தீர்க்க உதவுவதில் நான் பெருமைப்படுகிறேன்” என்றும் கூறியுள்ளார்.