வங்கதேச தேசியவாதக் கட்சியின் (BNP) தலைவர் தாரிக் ரஹ்மான் (Tarique Rahman) மற்றும் அவரது கட்சியைச் சேர்ந்த பிற சட்டமன்ற உறுப்பினர்கள்  இன்று (17) காலை பதவியேற்றனர். தலைநகரில் உள்ள வங்காளதேச தேசிய நாடாளுமன்றக் கட்டிடத்தின் பதவியேற்பு அறையில் நாட்டின் தலைமைத் தேர்தல் ஆணையர் ஏ.எம்.எம். நசீர் உதீன் (Nasir Uddin) முன்னிலையில் அவர்கள் பதவியேற்றுள்ளனர். அவர்களைத் தவிர, தேர்ந்தெடுக்கப்பட்ட சுயாதீன சட்டமன்ற உறுப்பினர்கள் மற்றும் பிற கட்சிகளில் புதிதாகத் தேர்ந்தெடுக்கப்பட்ட சட்டமன்ற உறுப்பினர்களும் இன்றைய தினம் […]

ஈரானின் இஸ்லாமிய புரட்சிகர காவல்படை ஹார்முஸ் ஜலசந்தியில் தொடர்ச்சியான இராணுவப் பயிற்சிகளை மேற்கொண்டு வருவதாக அந்நாட்டு அரசு ஊடகங்கள் செய்தி வெளியிட்டுள்ளன. அமெரிக்காவுடன் இன்று பேச்சுவார்த்தைகள் இடம்பெறவுள்ள நிலையில் இந்த தகவல் வெளியாகியுள்ளது. ஜலசந்தியில் “சாத்தியமான பாதுகாப்பு மற்றும் இராணுவ அச்சுறுத்தல்களுக்கு” காவலர்களைத் தயார்படுத்துவதை நோக்கமாகக் கொண்டு இந்த போர் பயிற்சிகள் முன்னெடுக்கப்பட்டு வருவதாக தகவல் வெளியாகியுள்ளது. எண்ணெய் கப்பல்கள் ஈரானின் ஜலசந்தியை கடந்து பயணிக்கின்ற நிலையில், இந்த போர் பயிற்சி பற்றிய அறிவிப்புகள் வந்துள்ளன. ஒருபக்கம் […]

ஈரான் மற்றும் அமெரிக்காவிற்கு இடையிலான அணுசக்தி ஒப்பந்தம் குறித்த இரண்டாம் கட்ட பேச்சுவார்த்தைகள் இன்று ஜெனீவாவில் நடைபெறவுள்ளது. தெஹ்ரான் ஒரு   ஒப்பந்தம் செய்ய விரும்புவதாக  ட்ரம்ப் கூறியுள்ளார். “நான் மறைமுகமாக அந்தப் பேச்சுவார்த்தைகளில் ஈடுபடுவேன். அவை மிகவும் முக்கியமானதாக இருக்கும்” என்று அவர் மேலும் கூறியுள்ளார். இதற்கிடையே தெஹ்ரான் பேச்சுவார்த்தைக்கு உடன்படவில்லை என்றால் மத்திய கிழக்கிற்கு இரண்டாவது விமானம் தாங்கி கப்பல் ஒன்று அனுப்பப்படும் என்று எச்சரிக்கை விடுத்துள்ளமையும் சுட்டிக்காட்டத்தக்கது.  

அமெரிக்காவில் உள்ள ரோட் தீவு ஹாக்கி மைதானத்தில் நடந்த துப்பாக்கிச் சூட்டில் மூன்று பேர் உயிரிழந்துள்ளனர். மேலும் மூன்று பேர் காயமடைந்து மருத்துவமனையில் அனுமதிக்கப்பட்டதாகவும் தெரிவிக்கப்படுகிறது. அத்துடன் தாக்குதல்தாரியும் மேற்படி துப்பாக்கிச்சூட்டில் உயிரிழந்துள்ளதாக பொலிஸார் தெரிவித்துள்ளனர். குடும்ப தகராறு காரணமாக துப்பாக்கிச் சூடு நடத்தப்பட்டதாக சந்தேகிக்கும் பொலிஸார் மேலதிக விசாரணைகளை முன்னெடுத்து வருவதாக அறிவித்துள்ளனர்.