தனக்கு உயிர் அச்சுறுத்தல் ஏற்பட்டுள்ளது! சஜித்

தான் உயிருடன் இருந்தால் அடுத்த ஜனாதிபதித் தேர்தலில் நிச்சயம் போட்டியிடுவேன் என எதிர்க்கட்சித் தலைவர் சஜித் பிரேமதாச தெரிவித்துள்ளார்.

கிரிந்தி ஓயாவில் இன்று (03) இடம்பெற்ற நிகழ்வொன்றில் கலந்து கொண்டு உரையாற்றும் போதே அவர் இதனைக் குறிப்பிட்டுள்ளார்.

அடுத்த ஜனாதிபதித் தேர்தலில் தான் போட்டியிடப் போவதில்லை என சிலர் மேற்கொள்ளும் பிரசாரத்தினால் தமக்கு உயிருக்கு அச்சுறுத்தல் உள்ளதாக சந்தேகம் எழுந்துள்ளதாக எதிர்க்கட்சித் தலைவர் மேலும் தெரிவித்தார்.

கிரிந்தியோயா இயக்கத்தின் தெற்கு கால்வாய் அபிவிருத்தி வேலைத்திட்டம் எதிர்க்கட்சித் தலைவர் சஜித் பிரேமதாச தலைமையில் இன்று ஆரம்பமானது. இந்த கால்வாய் 40 ஆண்டுகளுக்கு பிறகு அபிவிருத்தி செய்யப்படுகிறது.