இங்கிலாந்து: பிரசவ இரத்தப்போக்கு (PPH) அபாயம் 5 ஆண்டுகளில் 19% உயர்வு.
இங்கிலாந்தில் பிரசவத்துக்குப் பிந்தைய இரத்தப்போக்கு அபாயம் 5 ஆண்டுகளில் உச்சம்; 19% அதிகரிப்பு.
இங்கிலாந்தில் தாய்மார்கள் பிரசவத்துக்குப் பின்னர் கடுமையான இரத்தப்போக்கை (Postpartum haemorrhage) அனுபவிக்கும் விகிதம், கடந்த ஐந்து ஆண்டுகளில் இல்லாத அளவுக்கு 19% அதிகரித்துள்ளது.
2020ஆம் ஆண்டில் ஆயிரம் பிறப்புகளுக்கு 27 ஆக இருந்த இந்த விகிதம், தற்போது ஆயிரத்துக்கு 32 ஆக உயர்ந்துள்ளது. பிறப்புகளின் எண்ணிக்கை குறைந்த போதிலும், இந்தக் கடுமையான இரத்தப்போக்கு சம்பவங்கள் அதிகரித்துள்ளன.
மகப்பேறு பராமரிப்புத் துறை வெளியிட்ட தரவின்படி (Data), பிரசவத்தின் பின்னர் குறைந்தபட்சம் 1.5 லிட்டர் இரத்தம் இழந்த நிகழ்வுகள் பதிவாகியுள்ளன. இங்கிலாந்தில் நிகழும் தாயின் இறப்புகளில், கிட்டத்தட்ட பத்தில் ஒரு இறப்பிற்குக் கடுமையான இரத்தப் போக்கு (Severe Hemorrhage) ஒரு காரணமாக அமைகிறது என்றும் அத்துறை அறிவித்துள்ளது.
இந்த அதிகரிப்பு நாடு முழுவதும் உள்ள பெண்கள் மற்றும் குடும்பங்களுக்கு உண்மையான அச்சத்தை ஏற்படுத்தும் என சுகாதார செய்தித் தொடர்பாளர் ஹெலன் மோர்கன் சுட்டிக்காட்டியுள்ளார்.
