ஜோ பைடனின் காசா போர் நிறுத்த திட்டத்திற்கு பதிலளித்த ஹமாஸ்

அமெரிக்க ஜனாதிபதி ஜோ பைடனின் முன்மொழியப்பட்ட காசா போர்நிறுத்த ஒப்பந்தம் “வெறும் வார்த்தைகள்” என்றும், பாலஸ்தீனிய குழு போர்நிறுத்தம் தொடர்பான எழுத்துப்பூர்வ உறுதிமொழிகள் எதையும் பெறவில்லை என்றும் ஹமாஸின் மூத்த அதிகாரி ஒருவர் தெரிவித்தார்.

பைடன் கடந்த வாரம் இஸ்ரேலிய மூன்று கட்டத் திட்டத்தை முன்வைத்தார், அது மோதலை முடிவுக்குக் கொண்டுவரும், அனைத்து பணயக்கைதிகளையும் விடுவிக்கும் மற்றும் ஹமாஸ் அதிகாரத்தில் இல்லாமல் பேரழிவிற்குள்ளான பாலஸ்தீனிய பிரதேசத்தை மறுகட்டமைக்க வழிவகுக்கும்.

ஆனால் பெய்ரூட்டை தளமாகக் கொண்ட ஹமாஸ் அதிகாரி ஒசாமா ஹம்டன்,”எந்த திட்டமும் இல்லை,அவை ஒரு உரையில் பைடன் சொன்ன வார்த்தைகள் மட்டுமே” என தெரிவித்தார்.

காசாவில் நிரந்தர யுத்த நிறுத்தம் மற்றும் இஸ்ரேலிய துருப்புக்கள் பிரதேசத்தில் இருந்து முழுமையாக வெளியேறுதல் போன்ற தனது இயக்கத்தின் முக்கிய கோரிக்கைகளை நிறைவேற்றும் எந்த ஒப்பந்தத்தையும் ஏற்க ஹமாஸ் தயாராக இருப்பதாக அவர் கூறினார்.