சுத்தமான காற்றின் தரவரிசையில் முதலிடத்தைப் பிடித்த குஜராத் நகரம்

காற்றின் தர மேம்பாட்டிற்காக இந்தியாவின் முதல் பெரிய நகரமாக சூரத் தரவரிசைப்படுத்தப்பட்டுள்ளது, அதைத் தொடர்ந்து ஜபல்பூர் மற்றும் ஆக்ரா உள்ளது.

ஜெய்ப்பூரில் “நீல வானத்துக்கான தூய்மையான காற்றுக்கான சர்வதேச தினத்தை” கொண்டாடும் தேசிய பயிலரங்கில் நடைபெற்ற ஸ்வச் வாயு சர்வேக்ஷன் 2024 இன் போது மத்திய சுற்றுச்சூழல் அமைச்சகம் “தேசிய சுத்தமான காற்று நகரம்” விருதுகளை வழங்கியது.

10 லட்சத்துக்கும் அதிகமான மக்கள்தொகை கொண்ட நகரங்களில் சூரத், ஜபல்பூர் மற்றும் ஆக்ரா முதல் மூன்று இடங்களைப் பெற்ற நிலையில், மூன்று லட்சம் முதல் 10 லட்சம் மக்கள்தொகை கொண்ட நகரங்களில் ஃபிரோசாபாத் (உ.பி.), அமராவதி (மகாராஷ்டிரா) மற்றும் ஜான்சி (உ.பி.) ஆகியவை சிறந்த நகரங்களாக அங்கீகரிக்கப்பட்டுள்ளன.

மூன்று லட்சத்துக்கும் குறைவான மக்கள்தொகை கொண்ட நகரங்களில் ரேபரேலி (உ.பி.), நல்கொண்டா (தெலுங்கானா) மற்றும் நலகர் (இமாச்சலப் பிரதேசம்) ஆகியவை பட்டியலில் முதலிடத்தில் உள்ளன.

“Swachh Vayu Survekshan” என்பது, தேசிய தூய்மையான காற்று திட்டத்தின் (NCAP) கீழ் உள்ள நகரங்களில் நகர செயல் திட்டத்தின் கீழ் அங்கீகரிக்கப்பட்ட செயல்பாடுகள் மற்றும் காற்றின் தரம் ஆகியவற்றின் அடிப்படையில் நகரங்களை தரவரிசைப்படுத்த அமைச்சகத்தின் முன்முயற்சியாகும்.

தொடர்புடைய செய்திகள்:

இலங்கையில் உணவின்றி தவிக்கும் குடும்பங்கள் சென்னை சூப்பர் கிங்ஸ் அணி தோல்வி சென்னை மக்களுக்கு ஆதரவு தெரிவித்த ஆஸ்திரேலிய கிரிக்கெட் வீரர் சீதை அம்மன் கோவில் கும்பாபிஷேகத்திற்காக இந்தியாவில் இருந்து வரும் புனித நீர்