ஜெர்மனியின் பெர்லின் விமான நிலையம் மூடல்!
கடுமையான பனிப்பொழிவு காரணமாக ஜெர்மனியின் பெர்லின் விமான நிலையம் இன்று மூடப்பட்டுள்ளதாக அறிவிக்கப்பட்டுள்ளது.
இது தொடர்பில் கருத்து வெளியிட்டுள்ள விமான நிலைய செய்தி தொடர்பாளர், விமான நிலையத்தின் புறப்படும் மற்றும் தரையிறங்கும் பணிகளை மீளவும் எப்போது ஆரம்பிப்பது என்பது தொடர்பில் தெளிவாக கூற முடியாது என அறிவித்துள்ளார்.
நேற்றில் இருந்து கடுமையான பனிப்பொழிவு பதிவாகியுள்ளதாகவும், இதன் காரணமாக விமானங்கள் இரத்து செய்யப்பட்டதாகவும் அறிவிக்கப்பட்டுள்ளது.
இதேவேளை கடுமையான பனிப்பொழிவால் ரயில் மற்றும் பிற போக்குவரத்து சேவைகளும் தடைப்பட்டதாக தெரிவிக்கப்பட்டுள்ளது.
