நிலச்சரிவால் பாதிக்கப்பட்ட கேரளாவுக்கு நிதியுதவி அறிவித்த கெளதம் அதானி

அதானி குழும நிறுவனங்களின் தலைவரும் நிறுவனருமான கௌதம் அதானி வயநாடு நிலச்சரிவில் உயிரிழந்தவர்களுக்கு இரங்கல் தெரிவித்ததோடு, கேரளாவில் நிவாரணப் பணிகளை ஆதரிப்பதற்காக 5 கோடி நிதியுதவி வழங்குவதாக தெரிவித்துள்ளார்.

தொடர் மழையைத் தொடர்ந்து வயநாடு மாவட்டம் மேப்பாடி மலைப் பகுதிகளில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 158 ஆக உயர்ந்துள்ளதாக கேரள வருவாய்த் துறை தெரிவித்துள்ளது.

X இல் ஒரு பதிவைப் பகிர்ந்த கௌதம் அதானி, “வயநாட்டில் ஏற்பட்ட துயரமான உயிர் இழப்புகளால் ஆழ்ந்த வருத்தம். பாதிக்கப்பட்ட குடும்பங்களுக்கு என் இதயம் வலிக்கிறது. இந்த கடினமான நேரத்தில் அதானி குழுமம் கேரளாவுடன் ஒற்றுமையாக நிற்கிறது” என்று குறிப்பிட்டார்.

மேலும், “கேரள முதலமைச்சரின் பேரிடர் நிவாரண நிதிக்கு 5 கோடி நன்கொடையாக நாங்கள் எங்கள் ஆதரவை வழங்குகிறோம்” என்றார்.

இதற்கிடையில், தெற்கு கடற்படை கட்டளை 68 பேர் கொண்ட பேரிடர் மீட்புக் குழுவை எழிமலையில் உள்ள ஐஎன்எஸ் ஜாமோரினில் இருந்து கேரளாவின் வயநாட்டில் நிலச்சரிவு பாதித்த பகுதிகளுக்கு அனுப்பியதாக அதிகாரிகள் தெரிவித்தனர்.