பிரான்ஸின் அதிரடி நடவடிக்கை – ரஷ்யாவின் எண்ணெய் டேங்கர் கப்பல் இடைமறிப்பு!

மத்தியதரைக் கடலில் ரஷ்ய ‘நிழல் கடற்படை’ எண்ணெய் டேங்கரை பிரெஞ்சு கடற்படை இடைமறித்துள்ளதாக அந்நாட்டு ஜனாதிபதி இம்மானுவேல் மக்ரோன் (Emmanuel Macron) நேற்று அறிவித்துள்ளார்.

தடுக்கப்பட்ட கப்பல் சர்வதேச தடைகளுக்கு உட்பட்டதாகவும், தவறான கொடியின் கீழ் இயங்குவதாக சந்தேகிக்கப்படுவதாகவும் கூறப்படுகிறது.

இந்நிலையிலேயே குறித்த கப்பல் இடைமறிக்கப்பட்டதாக அறிவிக்கப்பட்டுள்ளது.

இதேவேளை சர்வதேச சட்டத்தை நிலைநிறுத்துவதற்கும், தடைகளை திறம்பட செயல்படுத்துவதை உறுதி செய்வதற்கும் பிரான்சின் உறுதியை மக்ரோன் உறுதிப்படுத்தினார்.

உக்ரைனுக்கு எதிரான ரஷ்யாவின் ஆக்கிரமிப்புப் போருக்கு நிதியளிக்க ‘நிழல் கடற்படையின்’ நடவடிக்கைகள் பங்களிக்கின்றன என்றும் அவர் குறிப்பிட்டுள்ளார்.