ஈஸ்ட்டர் தாக்குதல் தொடர்பில் முன்னாள் ஜனாதிபதியின் வாக்குமூலம்: மாளிகாகந்த நீதவான் பிறப்பித்த உத்தரவு

ஏப்ரல் 21 தாக்குதல் தொடர்பில் முன்னாள் ஜனாதிபதி மைத்ரிபால சிறிசேன குற்றப் புலனாய்வுத் திணைக்களத்தில் வழங்கிய வாக்குமூலம் தொடர்பில் விரைவாக விசாரணை நடத்தி அதில் ஏதேனும் குற்றங்கள் உறுதி செய்யப்படுமாயின் அதற்கு எதிராக சட்ட நடவடிக்கை மேற்கொள்ளுமாறு மாளிகாகந்த நீதவான் லோச்சனி அபேவிக்ரம குற்றப் புலனாய்வுத் திணைக்களத்துக்கு உத்தரவிட்டுள்ளார்.

குறித்த தாக்குதல் தொடர்பில் முன்னாள் ஜனாதிபதி மைத்ரிபால சிறிசேன வழங்கிய வாக்குமூலம் தொடர்பான வழக்கு இன்று(10) மீண்டும் மாளிகாகந்த நீதவான் நீதிமன்றில் விசாரணைக்கு எடுத்துக் கொள்ளப்பட்ட போதே நீதவான் இவ்வாறு உத்தரவிட்டுள்ளார்.

அத்துடன், குறித்த வழக்கு தொடர்பான விசாரணைகளின் முன்னேற்றம் தொடர்பில் எதிர்வரும் ஜூலை மாதம் 26ஆம் திகதி நீதிமன்றத்தில் அறிக்கை சமர்ப்பிக்குமாறும் உத்தரவிடப்பட்டுள்ளது.