ட்ரம்ப் மற்றும் நெதன்யாகுவிற்கு எதிராக ஃபத்வா மத ஆணை பிறப்பிப்பு!

ஈரானில் உள்ள ஒரு உயர்மட்ட ஷியா மதகுரு, அமெரிக்க அதிபர் டொனால்ட் டிரம்ப் மற்றும் இஸ்ரேலிய பிரதமர் பெஞ்சமின் நெதன்யாகுவை குறிவைத்து ஃபத்வா எனப்படும் ஒரு மத ஆணையை வெளியிட்டுள்ளார்.

ட்ரம்பை கடவுளின் எதிரிகள் என்று அறிவித்து, ஷியா இஸ்லாமியத் தலைவர் கிராண்ட் அயதுல்லா நாசர் மக்ரெம் இந்த ஆணையை பிறப்பித்தார்.

ஷியைட் சட்டத்தின்படி, அத்தகைய ஆணையை ஏற்கும் எவருக்கும் மரண தண்டனை, சிலுவையில் அறையப்படுதல், துண்டிக்கப்படுதல் அல்லது நாடுகடத்தப்படுதல் போன்ற தண்டனைகள் விதிக்கப்படலாம்.

இஸ்லாமியத் தலைவரை எதிர்க்கும் எவரும் மொஹரெப் அல்லது கடவுளுக்கு எதிராகப் போர் தொடுத்த ஒருவராகக் கருதப்படுவார் என்றும், இந்த எதிரியைத் தோற்கடிக்க உலகளாவிய முஸ்லிம் சமூகம் ஒன்றுபட வேண்டும் என்றும் அவர் மேலும் கூறினார்.

ஈரானுக்கும் இஸ்ரேலுக்கும் இடையிலான 12 நாள் போருக்குப் பிறகு ஈரானிய ஷியா மதகுரு இந்த ஆணையை வெளியிட்டார்.

ஒரு தனிநபருக்கு எதிராக இதுபோன்ற ஒரு ஃபத்வா பிறப்பிக்கப்படுவது இது முதல் முறை அல்ல.

1989 ஆம் ஆண்டில், இந்திய எழுத்தாளர் சல்மான் ருஷ்டிக்கு எதிராக ஒரு ஃபத்வா பிறப்பிக்கப்பட்டது, அவரது புத்தகம் தி சாத்தானிக் வெர்சஸ் இஸ்லாத்தை அவமதிப்பதாகக் கூறியது.

பல ஆண்டுகளாக தலைமறைவாக இருந்த ருஷ்டி, பல கொலை முயற்சிகளில் இருந்து தப்பித்து, 2023 இல் நடந்த ஒரு கத்திக்குத்தில் தனது ஒரு கண்ணை இழந்தார்.