டிரம்புடனான மோதல் – திடீரென தொலைபேசி எண்ணை மாற்றிய எலான் மஸ்க்

அமெரிக்க ஜனாதிபதி டொனால்ட் டிரம்ப்புடனான கருத்து மோதலுக்குப் பிறகு, எலான் மஸ்க் தனது தொலைபேசி எண்ணை மாற்றிவிட்டதாக தகவல் வெளியாகியுள்ளது.

அமெரிக்க நாடாளுமன்ற பிரதிநிதிகள் சபைத் தலைவர் மைக் ஜான்சன் இதனை தெரிவித்துள்ளார்.

அவர் அளித்த பேட்டி ஒன்றில், அரசு செலவினங்களைக் குறைக்கும் மசோதா தொடர்பாக எலான் மஸ்க்குக்கு குறுஞ்செய்தி அனுப்ப முயன்ற போது அவரது எண் மாற்றப்பட்டது தெரிய வந்ததாகத் கூறியுள்ளார்.

டிரம்ப் – மஸ்க் இடையே பிரச்னை விரைவில் சரியாகும் என்றும், டிரம்ப்பும் அதை எதிர்நோக்கி உள்ளதாகவும் மைக் ஜான்சன் தெரிவித்துள்ளார்.