இலங்கை: தேசபந்து தென்னகோனை நீதிமன்றில் முன்னிலையாகுமாறு உத்தரவு!
இடைநிறுத்தப்பட்ட பொலிஸ் மா அதிபர் (IGP) தேசபந்து தென்னகோனுக்கு 2025 ஏப்ரல் 25 ஆம் திகதி மாத்தறை நீதவான் நீதிமன்றில் ஆஜராகுமாறு நோட்டீஸ் அனுப்பப்பட்டுள்ளது.
நீதிமன்ற உத்தரவை மீறியமை தொடர்பில் தற்போது பிணையில் உள்ள தென்னகோனை நீதிமன்றில் முன்னிலையாகுமாறு மாத்தறை நீதவான் இன்று உத்தரவிட்டுள்ளார்.
பிணை பெற்று நீதிமன்றத்தை விட்டு வெளியேறும் போது நீதிமன்ற உத்தரவை மீறும் வகையில் செயற்பட்டதாக தென்னகோன் மீது குற்றம் சுமத்தப்பட்டுள்ளது.
அவரை நீதிமன்றத்திற்கு வெளியே அழைத்துச் செல்ல பயன்படுத்தப்பட்ட காரின் உரிமையாளரையும் குறித்த திகதியில் மாத்தறை நீதவான் நீதிமன்றில் முன்னிலையாகுமாறு உத்தரவிடப்பட்டுள்ளது.
தென்னகோன் ஏப்ரல் 10 ஆம் திகதி பிணை வழங்கப்பட்டு மாத்தறை நீதவான் நீதிமன்ற வளாகத்தில் இருந்து வெளியேறிய போது நீதிமன்ற உத்தரவை மீறியதாக சட்டமா அதிபர் இன்று நீதிமன்றத்தில் மனுவொன்றை சமர்ப்பித்ததை அடுத்து நீதிமன்ற உத்தரவு பிறப்பிக்கப்பட்டுள்ளது.
2023ஆம் ஆண்டு வெலிகமவில் உள்ள பிரபல ஹோட்டல் ஒன்றின் முன்பாக இடம்பெற்ற துப்பாக்கிச் சூட்டுச் சம்பவம் தொடர்பில் தேசபந்து தென்னகோன் தேடப்பட்டு வந்தார்.
கொழும்பு குற்றப்பிரிவு (CCD), வெலிகம பொலிஸ் மற்றும் விசேட அதிரடிப்படையின் அதிகாரிகளை உள்ளடக்கிய துப்பாக்கிச் சூட்டுச் சம்பவத்தில் CCD அதிகாரி ஒருவர் மரணம் மற்றும் மற்றொருவருக்கு காயம் ஏற்படுத்தியதாக அவர் மீது குற்றம் சுமத்தப்பட்டுள்ளது.
தேசபந்து தென்னகோனைக் கைது செய்ய திறந்த பிடியாணை பிறப்பிக்கப்பட்டதையடுத்து, அவர் மாத்தறை நீதிமன்றத்தில் சரணடைந்தார், 20 நாட்கள் கைது செய்யாமல் தப்பித்து, விளக்கமறியலில் வைக்கப்பட்டார்.
(Visited 3 times, 3 visits today)
