மட்டக்களப்புக்கு அருகில் நிலநடுக்கம்

மட்டக்களப்பு கடற்கரையிலிருந்து 310 கிலோமீற்றர் தொலைவில் உள்ள ஆழ்கடல் பகுதியில் நிலநடுக்கம் ஏற்பட்டுள்ளது.

இன்று அதிகாலை 1.29 மணியளவில் இந்த நிலநடுக்கம் பதிவாகியுள்ளதாக தெரிவிக்கப்படுகின்றது.

இந்த நிலநடுக்கம் ரிக்டர் அளவுகோலில் 4.65 ஆக பதிவாகியுள்ளதாக புவியியல் மற்றும் சுரங்கப் பணியகம் தெரிவித்துள்ளது.

எவ்வாறாயினும், இந்த நிலநடுக்கத்தினால் சுனாமி அபாயம் எதுவும் இல்லை என புவியியல் மற்றும் சுரங்க பணியகம் மேலும் தெரிவித்துள்ளது.