இலங்கையில் இணையம் ஊடாக நிதி மோசடி; இந்திய பிரஜைகள் 137 பேர் கைது

நாட்டின் பல இடங்களில் பெரிய அளவிலான இணைய நிதி மோசடியில் ஈடுபட்டதாக சந்தேகிக்கப்படும் 137 இந்திய பிரஜைகள் கைது செய்யப்பட்டதன் விளைவாக குற்றப் புலனாய்வுத் திணைக்களம் (CID) பரவலான நடவடிக்கையை மேற்கொண்டுள்ளது.

நீர்கொழும்பு, கொச்சிக்கடை, மடிவெல (ஸ்ரீ ஜயவர்தனபுர கோட்டே), மற்றும் தலங்கம (பத்தரமுல்ல) ஆகிய இடங்களில் இந்த கைதுகள் இடம்பெற்றதாக பொலிஸ் ஊடகப் பேச்சாளர் பிரதி பொலிஸ் மா அதிபர் நிஹால் தல்துவ தெரிவித்தார்.

நீர்கொழும்பில் 55 சந்தேகநபர்கள் கைதுசெய்யப்பட்டதோடு 55 கையடக்கத் தொலைபேசிகளும் 29 கணனிகளும் கைப்பற்றப்பட்டுள்ளன. இதேபோல், கொச்சிக்கடையில், அதிகாரிகள் 53 நபர்களை கைது செய்து, 31 கணினிகள் மற்றும் 58 மொபைல் போன்களை பறிமுதல் செய்தனர்.

மடிவெலவில் மேற்கொள்ளப்பட்ட நடவடிக்கையில் 13 சந்தேக நபர்கள் கைது செய்யப்பட்டு 8 மடிக்கணினிகள் மற்றும் 38 கையடக்க தொலைபேசிகள் மீட்கப்பட்டதுடன், தலங்கமவில் 8 மடிக்கணினிகள் மற்றும் 38 கையடக்க தொலைபேசிகளுடன் 16 சந்தேக நபர்கள் கைது செய்யப்பட்டுள்ளனர்.

இதன்படி, சந்தேகநபர்களிடம் இருந்து 158 கையடக்கத் தொலைபேசிகள், 16 மடிக்கணினிகள், 60 கணனிகள் என்பன கைப்பற்றப்பட்டுள்ளன.

கைது செய்யப்பட்ட சந்தேக நபர்கள் அனைவரும் ஆண்கள் என பேச்சாளர் தெரிவித்தார்

தொடர்புடைய செய்திகள்:

ஒடிசா புகையிரத விபத்து! திடீரென வந்த துர்நாற்றம்: அச்சத்தில் மக்கள் இந்தியா – பாகிஸ்தான் முறுகலுக்கு தீர்வு எட்டப்பட்டது! திடீரென லிஃப்ட் அறுந்து விழுந்ததில் 6 பேர் பலி கர்நாடகா – தேர்வில் மதிப்பெண் குறைவாக பெற்ற மகள்… குத்திக் கொலை செய்த தாய்!