பாதுகாப்பு அச்சுறுத்தல்களுக்கு மத்தியில் லண்டனில் அமைக்கப்படும் சீன தூதரகம்!
லண்டனில் 20,000 சதுர மீட்டர் பரப்பளவில் புதிய சீனத் தூதரகத்தை அமைக்க பிரதமர் கெய்ர் ஸ்டார்மர் (Sir Keir Starmer) ஒப்புதல் அளிக்கவுள்ளதாக தகவல் வெளியாகியுள்ளது.
இந்த திட்டத்திற்கு உள்துறை அலுவலகம் மற்றும் வெளியுறவு அலுவலகம் ஆகியவை எந்த முறையான ஆட்சேபனைகளையும் எழுப்பாது என தி டைம்ஸ் தெரிவித்துள்ளது.
டிசம்பர் பத்தாம் திகதிக்குள் இதற்கான பதில்களை வழங்க வேண்டும் என பாதுகாப்பு சேவைகளுக்கு அறிவிக்கப்பட்டுள்ளதாகவும் கூறப்படுகிறது.
பொருளாதார மற்றும் இராஜதந்திர உறவுகளை வலுப்படுத்தும் நோக்கில் இந்த திட்டம் ஆரம்பிக்கப்படவுள்ளதாக தெரிவிக்கப்பட்டுள்ளது.
சீனா உளவு பார்ப்பது குறித்த தொடர்ச்சியான கவலைகள் மற்றும் இங்கிலாந்து தேசிய பாதுகாப்புக்கு உள்ள அச்சுறுத்தல்கள் குறித்து MI5 எச்சரிக்கை விடுத்துள்ளபோதிலும் இந்த திட்டம் நடைமுறைப்படுத்தப்படவுள்ளதாக கூறப்படுகிறது.
(Visited 1 times, 1 visits today)
