தைவானை சுற்றிவளைத்த சீனா – அமெரிக்கா வெளியிட்ட அறிவிப்பு

தைவான் ஜலசந்தி மற்றும் தைவானை சுற்றியுள்ள பகுதிகளில் சீன ராணுவம் நடத்திய ராணுவ பயிற்சி குறித்து அமெரிக்கா பதிலளித்துள்ளது.

அதன்படி, சீனாவின் செயல்பாடுகள் குறித்து அமெரிக்கா மிகுந்த கவலையடைவதாக கூறுகிறது.

அது குறித்து கருத்து தெரிவித்த அமெரிக்க இராஜாங்க திணைக்களத்தின் உத்தியோகபூர்வ பேச்சாளர் மேத்யூ மில்லர், சீனா நிதானத்துடன் செயற்படுமாறு கேட்டுக்கொண்டுள்ளார்.

மேத்யூ மில்லர் ஒரு அறிக்கையில், “தைவான் ஜலசந்தி மற்றும் தைவானைச் சுற்றியுள்ள மக்கள் விடுதலை இராணுவத்தின் கூட்டு இராணுவப் பயிற்சிகள் குறித்து அமெரிக்கா ஆழ்ந்த கவலை கொண்டுள்ளது. சீன ராணுவத்தின் செயல்பாடுகளை நாங்கள் உன்னிப்பாகக் கண்காணித்து வருகிறோம் என குறிப்பிட்டுள்ளது.

கடந்த வியாழன் மற்றும் வெள்ளிக்கிழமைகளில் நிலம், கடல், வான் மற்றும் ஏவுகணைப் படைகளை உள்ளடக்கிய இரண்டு நாள் இராணுவப் பயிற்சிகளை சீனா தொடங்கிய பின்னர், அமெரிக்க வெளியுறவுத் துறையின் அறிக்கை வந்துள்ளது என்று தைவான் செய்திகள் தெரிவிக்கின்றன.

மே 20 அன்று தைவானின் ஜனாதிபதியாக லாய் சிங்-தே பதவியேற்ற சில நாட்களுக்குப் பிறகு சீனா இந்தப் பயிற்சியைத் தொடங்கியது.