முதலமைச்சர் தன் முடிக்கு கொடுக்கும் நேரத்தைக் கூட நாட்டு மக்களுக்கு கொடுப்பதில்லை: உத்திரமேரூரில் முன்னாள் அமைச்சர் பேச்சு

காஞ்சிபுரம் மாவட்டம் உத்திரமேரூர் அதிமுக மத்திய ஒன்றியம் சார்பில் அதிமுக ஆட்சிக் காலத்தில் சாதனைகளை விளக்கியும், திமுக ஆட்சியில் மக்கள் விரோத போக்கை எடுத்துரைத்தும் உத்திரமேரூர் அடுத்துள்ள களியாம்பூண்டி, இளநகர் ஆகிய இடங்களில் தெருமுனைப் பிரச்சாரக் கூட்டம் நடைபெற்றது.

இந்த நிகழ்ச்சிகள் முன்னாள் அதிமுக அமைச்சரும் அந்தக் கட்சியின் காஞ்சிபுரம் மாவட்ட செயலாளருமான வி.சோமசுந்தரம், அதிமுக அமைப்பு செயலாளர் முன்னாள் உத்திரமேரூர் சட்டமன்ற உறுப்பினருமான வாலாஜாபாத் பா.கணேசன் ஆகியோர் கலந்து கொண்டு சிறப்புரையாற்றினார்.

அப்போது முன்னாள் அமைச்சர் சோமசுந்தரம் பேசுகையில் திமுக எப்போதுமே கொடுக்கும் கட்சி அல்ல, பிடுங்கும் கட்சி. தமிழக முதலமைச்சர் மு க ஸ்டாலின் தன் தலைமுடிக்காக ஒதுக்கும் நேரத்தைக் கூட ஓட்டு போட்டு முதலமைச்சராகிய மக்களுக்காக ஒதுக்குவதில்லை என்று குற்றம் சாட்டினார்.