2041 ஆம் ஆண்டுக்குள் இலங்கை மக்கள் மத்தியில் ஏற்படவுள்ள மாற்றம்

இலங்கையில் 2041 ஆம் ஆண்டுக்குள் நான்கு பொதுமக்களில் ஒருவர் முதியவராக இருப்பார்கள் என சுகாதார அமைச்சு கணிப்பிடுகிறது.

இது தொடர்பாக கொழும்பில் நடைபெற்ற நிகழ்ச்சி ஒன்றில் சுகாதார அமைச்சின் செயலாளர் அனில் ஜாசிங்க விளக்கமளித்தார். “நாட்டின் முதியோர் சதவீதம் தொடர்ந்து அதிகரித்து வருகிறது. இதற்கேற்ப சுகாதார திட்டங்களும், சமூக பாதுகாப்பு நடவடிக்கைகளும் விரிவுபடுத்தப்பட வேண்டும்,” என்றார்.

மேலும், 2050 ஆம் ஆண்டில் இலங்கையின் மொத்த மக்கள் தொகை சுமார் 25 மில்லியனாக உயரும் என்று எதிர்பார்க்கப்படுவதையும் அவர் குறிப்பிட்டார்.

முதியோரின் எண்ணிக்கையில் ஏற்படும் இந்த பெரும்பாலான மாற்றம், நாட்டின் சுகாதாரத் துறையிலும், சமூக, பொருளாதார கட்டமைப்புகளிலும் மாற்றங்களை தேவைப்படுத்தும் என நிபுணர்கள் தெரிவித்துள்ளனர்.