புலம்பெயர்ந்தோரால் ஆஸ்திரேலிய மக்கள் தொகையில் ஏற்பட்டுள்ள மாற்றம்

ஆஸ்திரேலியாவின் மக்கள் தொகை 2024 ஆம் ஆண்டு ஜூன் மாதம் 30ஆம் திகதி வரையான காலப்பகுதியில் 2.1 சதவீதம் அதிகரித்துள்ளது.

ஆஸ்திரேலிய புள்ளியியல் அலுவலகம் இன்று வெளியிட்ட சமீபத்திய புள்ளிவிவரங்களுக்கமைய இந்த விடயம் தெரியவந்துள்ளது.

ஆஸ்திரேலியாவின் மக்கள் தொகை 27.2 மில்லியனாக இருந்தது, இது கடந்த ஆண்டு இதே காலத்தை விட 552,000 பேர் அதிகரித்துள்ளது. ஏ

இந்த ஆண்டு, வெளிநாட்டு குடிவரவு வருகைகளின் எண்ணிக்கை 666,800 மற்றும் 221,200 புறப்பாடுகள் பதிவு செய்யப்பட்டுள்ளன.

2024 ஆம் ஆண்டு ஜூன் மாதம் 30ஆம் திகதி வரையிலான ஆண்டிற்கான ஆஸ்திரேலிய மக்கள்தொகையில் 445,600 பேர் சேர்க்கப்பட்டு, நிகர வெளிநாட்டு இடம்பெயர்வுகளில் சமீபத்திய சரிவைக் காட்டியது.

புதிய பிறப்பு மற்றும் இறப்புகளின் படி, மக்கள்தொகையின் இயற்கையான அதிகரிப்பு 106,400 பேராக பதிவு செய்யப்பட்டுள்ளது, இது முந்தைய ஆண்டை விட 3.4 சதவீதம் அதிகமாகும்.

அதே காலகட்டத்தில், 289,100 புதிய பிறப்புகளும் 182,700 இறப்புகளும் பதிவு செய்யப்பட்டுள்ளன, அதே நேரத்தில் பிறப்புகள் 0.7 சதவீதமும் இறப்புகள் 2.9 சதவீதமும் குறைந்துள்ளன.