போர் பதற்றங்களுக்கு மத்தியில் அனைத்துக் கட்சி கூட்டத்துக்கு மத்திய அரசு அழைப்பு

மேற்கு ஆசியாவில் நிலவும் போர் பதற்றத்தின் தாக்கத்தால் ஏற்பட்டுள்ள நெருக்கடி குறித்து விவாதிக்க, நாளை ( 25) மாலை 05 மணிக்கு அனைத்துக் கட்சி கூட்டத்துக்கு மத்திய அரசு அழைப்பு விடுத்துள்ளது.

உலகளாவிய ரீதியில் பதற்றம் ஏற்பட்டுள்ள நிலையில், இந்தியாவின் தற்காப்புத் தயார் நிலையை ஆய்வு செய்வதற்காக
பாதுகாப்புத் துறை அமைச்சர் ராஜ்நாத் சிங் தலைமையில் ஆய்வுக் கூட்டம் இன்று நடைபெற்றது.

இந்தக் கூட்டத்தில் முப்படைத் தளபதி ஜெனரல் அனில் சவுகான், விமானப் படைத் தளபதி ஏர் சீஃப் மார்ஷல் அமர் ப்ரீத் சிங், ஜெனரல் உபேந்திர திவேதி, கடற்படைத் தளபதி அட்மிரல் தினேஷ் கே திரிபாதி, டிஆர்டிஓ அமைப்பின் தலைவர் சமீர் காமத் உள்ளிட்டோர் கலந்துகொண்டனர்.

இதனிடையே, நாடாளுமன்றத்தில் உரையாற்றிய பிரதமர் மோடி,

“மேற்கு ஆசி​யா​வின் தற்​போதைய நிலைமை மிகுந்த கவலை​யளிக்​கிறது. 03 வாரங்​களுக்​கும் மேலாக பிரச்சினை நீடிக்​கிறது. இதனால் சர்​வ​தேச பொருளாதாரம் மிகக் கடுமை​யாக பாதிக்​கப்​பட்டுள்ளது. தற்​போதைய போரால் நமது நாட்​டில் பல்​வேறு சவால்​கள் எழுந்​துள்​ளன.

போரின் எதிர்​விளை​வாக உலகின் மிக முக்​கிய கடல்​வழி போக்குவரத்து முடங்​கி​யிருக்​கிறது. இதனால் கச்சா எண்​ணெய்,
எரி​வாயு போக்​கு​வரத்து மோசமாகப் பாதிக்​கப்​பட்டுள்​ளது. வளை​குடா நாடுகளில் சுமார் ஒரு கோடி இந்​தி​யர்​கள் வசிக்​கின்​றனர்.

அவர்​களின் பாது​காப்​பில் மத்​திய அரசு மிகுந்த அக்​கறை கொண்​டுள்ளது. பல்​வேறு நாடு​களின் சரக்கு கப்பல்களில் இந்​தி​யர்​கள் பெரும்​பான்​மை​யாக பணியாற்றி வருகின்றனர்.

ஹார்​முஸ் நீரிணை வழி​யாக இந்​தி​யா​வுக்கு கச்சா எண்ணெய், எரி​வா​யு, உரங்​கள் கொண்​டு​வரும் சரக்கு கப்​பல் போக்​கு​வரத்து முடங்​கி​யிருக்​கிறது.

இப்​போதைய இக்​கட்​டான காலத்​தி​லும் பெட்​ரோல், டீசல், சமையல் எரிவாயு விநி​யோகம் சீராக நடை​பெற்று வரு​கிறது. இந்தியாவின் சமையல் எரிவாயு தேவை​யில் 60 சதவீதம் வெளி​நாடு​களில் இருந்து இறக்​குமதி செய்​யப்​படு​கிறது.

உள்​நாட்​டில் சமையல் சமையல் எரிவாயு உற்பத்தி அதி​கரிக்​கப்​பட்டு ள்​ளது. நாடு முழு​வதும் பெட்​ரோல், டீசல், சமையல் காஸ், உரம் தட்​டுப்​பாடு இன்றி கிடைக்க நடவடிக்கை எடுக்​கப்​பட்டு இருக்​கிறது” என்றார்.