உத்தரப்பிரதேசத்தில் பேருந்து விபத்து – பலி எண்ணிக்கை 17ஆக உயர்வு

சிகிச்சை பலனின்றி இரண்டு குழந்தைகள் உயிரிழந்ததை அடுத்து நேற்று நடந்த பேருந்து விபத்தில் உயிரிழந்தவர்களின் எண்ணிக்கை 17 ஆக உயர்ந்துள்ளதாக அதிகாரிகள் தெரிவித்தனர்.

ஹத்ராஸில் 11 பேர் மற்றும் அலிகாரில் 5 பேர் இன்னும் சிகிச்சையில் உள்ளனர் என்று ஹத்ராஸ் மாவட்ட மாஜிஸ்திரேட் ஆஷிஷ் குமார் தெரிவித்தார்.

2 வயது அபி மற்றும் 12 வயது குல்ஷன் ஆகியோர் அலிகாரில் உள்ள மருத்துவமனையில் சிகிச்சையின் போது இறந்ததாக அதிகாரிகள் தெரிவித்தனர்.

தேசிய நெடுஞ்சாலையில் ஏற்பட்ட விபத்தில் நான்கு பெண்கள் மற்றும் வேனில் பயணம் செய்த குழந்தைகள் உட்பட 15 பேர் வெள்ளிக்கிழமை உயிரிழந்தனர்.

“ஆக்ரா-அலிகார் தேசிய நெடுஞ்சாலையில் வேனை முந்திச் செல்ல முயன்றபோது பேருந்து மோதியது” என்று காவல்துறை கண்காணிப்பாளர் (SP) நிபுன் அகர்வால் தெரிவித்தார்.

மேலும், இந்த விவகாரத்தில் வழக்குப் பதிவு செய்யப்பட்டுள்ளதாகவும், விரைவில் கைது செய்யப்படுவார்கள் என்றும் அகர்வால் குறிப்பிட்டுள்ளார்.