இந்தியாவுக்கான முதல் பெண் உயர் ஆணையரை நியமித்தது பிரித்தானியா

லண்டன்: இந்தியாவுக்கான முதல் பெண் உயர் ஆணையரை இங்கிலாந்து நியமித்துள்ளது. அதன்படி, உயர் ஸ்தானிகராக லிண்டி கேமரூன் நியமிக்கப்பட்டுள்ளார்.

லிண்டி இங்கிலாந்து தேசிய சைபர் பாதுகாப்பு மையத்தின் தலைமை நிர்வாக அதிகாரியாக இருந்துள்ளார்.

லிண்டி கேமரூனின் நியமனம் குறித்து பிரித்தானிய உயர்ஸ்தானிகராலயம் அறிவிப்பை வெளியிட்டுள்ளது.

அலெக்ஸ் எல்லிஸுக்குப் பதிலாக லிண்டி நியமிக்கப்பட்டார். பிரித்தானிய உயர் ஸ்தானிகராலயம் அலெக்ஸுக்கு புதிய இராஜதந்திர பொறுப்பு வழங்கப்படும் என்று அறிவித்துள்ளது. ஏப்ரல் மாதம் லிண்டி கேமரூன் பதவியேற்பார் என்றும் பிரித்தானிய உயர்ஸ்தானிகராலயம் தெரிவித்துள்ளது.

70 ஆண்டுகளுக்கு முன்பு இங்கிலாந்துக்கு பெண் உயர் ஆணையராக விஜயலட்சுமி பண்டிட்டை இந்தியா நியமிக்கப்பட்டது. 1954  முதல் 1961 வரை அவர் பதவியில் இருந்தார்.

ஆக்ஸ்போர்டு பல்கலைக்கழகத்தில் பட்டம் பெற்ற லிண்டி கேமரூன் ஈராக் மற்றும் ஆப்கானிஸ்தானிலும் பணியாற்றியுள்ளார்.

அவர் சர்வதேச வளர்ச்சிக்கான இங்கிலாந்தின் துறையிலும் பணியாற்றினார். கடந்த பல ஆண்டுகளாக, வாஷிங்டன், பெய்ஜிங், பாரிஸ், டோக்கியோ மற்றும் பெர்லின் போன்ற நகரங்களில் முக்கியப் பொறுப்புகளை வகித்து வருகிறார்.

இந்தியாவுக்கும் இங்கிலாந்துக்கும் இடையிலான உறவு வலுவடையும் நேரத்தில் கேமரூன் உயர் ஆணையராக நியமிக்கப்பட்டுள்ளார். இங்கிலாந்தின் 12வது வர்த்தக கூட்டாளியாக இந்தியா உள்ளது.

இரு நாடுகளுக்கும் இடையே தடையற்ற வர்த்தக ஒப்பந்தத்தை ஏற்படுத்த முயற்சிகள் மேற்கொள்ளப்பட்டுள்ளன. பாதுகாப்புத் துறையில் இரு நாடுகளுக்கும் இடையே ஒத்துழைப்பு ஏற்படுத்தப்பட்டுள்ளமை குறிப்பிடத்தக்கது.