ஆற்றில் அடித்துச் செல்லப்பட்ட சிறுவன் சடலமாக மீட்பு

கண்டி, தெல்தோட்டை – லிட்டில்வெளி பகுதியிலுள்ள ஆற்றில் அடித்துச்செல்லப்பட்ட சிறுவனின் சடலம் கண்டுபிடிக்கப்பட்டுள்ளது.

புலமைப்பரிசில் பரீட்சைக்கான மேலதிக வகுப்பில் கலந்து கொண்டு மாணவன் புதன்கிழமை (11) வீடு திரும்பிக் கொண்டிருந்த போதே இவ்வனர்த்தம் இடம்பெற்றுள்ளது.புதன்கிழமை (11)திகதி காணாமல் போன குறித்த சிறுவன், வியாழக்கிழமை (12) சடலமாக மீட்கப்பட்டுள்ளார்.

லிட்டில்வெலி தமிழ் வித்தியாலயத்தில் தரம் ஐந்தில் கல்வி கற்கும் சிறுவன், பாடசாலையில் மேலதிக வகுப்பினை முடித்துவிட்டு வீடு திரும்பிய வேளை, லிட்டில்வெலி ஓடையை கடக்கும் போது நீரில் அடித்துச் செல்லப்பட்டார்.இதனையடுத்து, கிராம மக்கள் இணைந்து தேடுதல் நடவடிக்கையை முன்னெடுத்த போது காணாமல் போன இடத்திலிருந்து 5 கிலோமீட்டர் தூரத்திற்கு அப்பாலிருந்து சடலமாக மீட்கப்பட்டார்.

பிரேத பரிசோதனைக்காக சடலம் பேராதனை வைத்தியசாலைக்கு கொண்டு செல்லப்பட்டதுடன், மேலதிக விசாரணைகளை கலஹா பொலிஸார் முன்னெடுத்து வருகின்றனர்.